سودانی دوای کۆتاییهێنان بە بەشداریکردن لە لوتکەی قاهیرە گەڕایەوە بەغدا

بەغداد/INA
ئەمرۆ شەممە"محەممەد شیاع سودانی" سەرۆک وەزیران،دوای کۆتاییهێنان بە بەشداریکردن لە لوتکەی ئاشتی قاهیرە گەیشتەوە بەغدای پایتەخت.
نووسینگەی ڕاگەیاندنی سەرۆکوەزیران لە ڕاگەیەندراوێکدا کە بۆ ئاژانسی هەواڵی عێراقی (INA) ناردوویەتی،تیایدا ڕایگەیاندووە:- ئەمرۆ شەممە "محمد شیاع سودانی" سەرۆک وەزیران،دوای کۆتاییهێنان بە بەشداریکردن لە لوتکەی ئاشتی قاهیرە گەیشتەوە بەغدای پایتەخت،کە لەپەراوێزی بەشداریکردندا سەرۆک وەزیران  وتاری عێراقی لە لوتکەکەدا پێشکەشکرد و تیایدا رووناکی خستە سەر ڕووداوەکانی ئێستای ناوچە داگیرکراوەکانی فەلەستین و دیداری لەگەڵ هەریەک لە "شا عەبدوڵڵای دووەم" پادشای شانشینی ئوردنی هاشمی و بیدرۆ سانشیز سەرۆکوەزیرانی ئیسپانیا و ئەنتۆنیۆ گۆترێش ئەمینداری گشتی نەتەوە یەکگرتووەکان و شارڵ میشیل  سەرۆکی ئەنجومەنی ئەوروپاو میخائیل بۆغدانۆڤ جێگری وەزیری دەرەوەی ڕووسیا ئەنجامدا.