دەقی وتاری سەرۆک وەزیران لە ساڵیادی شەهید بوونی ئیمام حسێن سەلامی خوای لەسەر بێت

ئاژانسی هەواڵی عێراقی (INA) تەواوی دەقی وتارەکەی "محەممەد شیاع سودانی" سەرۆک وەزیران ،لە ساڵیادی شەهیدبوونی ئیمام حوسێن (سەلامی خوای لەسەر بێت ) بڵاودەکاتەوە

بسمِ اللهِ الرحمنِ الرحيم 

 

((وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا ۚ وَإِنَّ اللَّهَ لَمَعَ الْمُحْسِنِينَ))

 

صدقُ اللهُ العليُّ العظيم

🔹سڵاوی لە حوسێن و خێزان و هەوەڵانی و سڵاو لەو زەویەی که تێیدا گه یشتوون، مێژوو بەو شەهادەتەی که له پێناوی خاکه که یدا بەخشی بە نه مری دەمێنێتەوە.

سڵاو لە حوسێن و پرەنسیپەکانی وپەیامەکەی باپیره ی "پێغه مبه ر " ( د.خ) که به بێ ترس هه ڵیگرتبوو و تا کۆتایی ژیانی هه ڵیگرتو بەرزی کردەوە.

🔹چەند رووداوێکی مێژوویی کەم هەن کە تێیدا پیاوان دەبنە ئازا و نموونەیەک کە بە تێپەڕبوونی کات لەبەردەم خەڵک گەورەتر دەبن.

🔹 حوسێن لە کاتێکدا شۆرشی کرد کە بارودۆخی نەتەوەی ئیسلام خراپتر بوو، کاتێک بنچینەی پەیامەکەی محەمەد ڕووبەڕووی هەوڵێک بووەوە بۆ شێواندن، کەمی گوتنی ڕاستی، خەڵکەکە بە شمشێر یان پارە ملکەچی دەکران و پارەی گشتی لە بەرژەوەندی دەستەیەکی نادادپەروەر خەرجدەکرا.

🔹ئەو هێزانەی دژی پەیامی پێغەمبەرمان وەستانەوە ،دەستیان کرد بە هەوڵدان بۆ سەپاندنی چەمکە لادانەکان، هەروەک چۆن هەوڵیان دەدا جەوهەری بیرۆکەکانی یەکسانی و مافی خەڵک و بنەماکانی دادپەروەری بسڕنەوە کە پێغەمبەر(د.خ) دایناو چەسپاندی.

 

🔹لە وەها بارودۆخ و هەلومەرجێکی سەختدا، ئەبو عەبدوڵڵا ڕەتکردنەوە و ئیدانەکردنی ڕاگەیاند،کە ئەو نەگۆڕانەی نەتەوەی ئیسلامی لەسەری بنیات نراوە، و تێگەیشتون و بە دڵی باوەڕداران بوو کە نادادپەروەری قبوڵکراونی یە ، بۆیە ووتەکانی بە بەهاو و مەعریفە دەمێنێتەوە .

 

🔹لێرەوە گرنگی ئەو چاکسازییەی کە حوسێن هێنای و بانگی بۆدا ، ڕێگاکان جیادەکاتەوە و چاکەو خراپە دەستنیشان دەکات، هەر بەو ڕێنماییە پەیامی لێبوردەیی دەدرێت نەک بە ئیحراجی ڕۆح و فێڵەکانی سیاسەت، چاکسازییەک کە لە ئەوانەوو بەجێماوە تا ئەمڕۆش سەرچاوەی بەها باڵاکانەو یارمەتی هەر کەسێک دەدات کە دژی گەندەڵی وەستاوەتەوە، و پشتگیری لە هەموو گۆرانکاریەک دەکات بۆ چەسپاندنی دادپەروەری کۆمەڵایەتی،لەهەر کوێ بێت. 

🔹ئیمام حسێن قەڵایەک و ڕێبەرێک بوو بۆ نزیکبوونەوە لە ڕاستی ودروستی ڕێگاکان.

🔹هیچ کەسایەتییەک بە درێژایی مێژوو کاریگەری شۆڕشگێڕانە و ڕیفۆرمخوازانەی خۆی لەسەر نەتەوەی ئیسلام وە ئیمام حسێن (سەلامی خوای لەسەر بێت) بەجێی نە هێشتوە، ئەمەش یەکێکە لەخاڵە گرینگەکانی،کە ئەو شتانەی لە ئایدیا و ئەخلاقیاتی ئەو ، بە میراتمان دەمێنتەوە لەسەر ئێمە، نەوە لە دوای نەوە.

 

🔹تا کات زیاتر تێپەڕێت، حوسێن بەهێزتر لە نێو ئێمەدا دەردەکەوێت، وە هەرکات ئاژاوەگێڕی توندتر بوو و قسەی نەفامی و سەرلێشێواوی زاڵ بوو، دەگەڕێینەوە بۆ هەڵوێستەکانی "حسێن" تا ڕووناکییەکی ڕوونمان پێبدات کە هەڵگری ڕێنمایی پێغەمبەری مەزنمان بێت بەبێ ساختەکردن و لادان.

 

🔹ئەگەر ئێمە ئەمڕۆ ئیرادەمان بۆ بەرەنگاربوونەوەی گەندەڵی و ڕاگرتنی دەستی ڕەش لە درێژبوونەوە بۆ پارەی گشتی، ئەوا بە ناچاری حوسێن لە نێو ئێمەدا ئامادەیە،بە شکۆمەندی بڕیارەکەی و بەرزیی ڕۆحی و ڕوونی ڕێبازەکەی.

 

🔹ئەگەر ئێمە ئەمڕۆ بەدوای باشترین ڕێگادا دەگەڕێین بۆ خزمەتکردنی گەلەکەمان و پاراستنی مافەکانیان و بەرەنگاربوونەوەی هەژاری و چاکسازی لە ئایندەی نەوەکانی ئێستا و داهاتوودا،ئەوا حوسێن وەک پایە و خاڵی دەستپێک بۆ ئەو ئاواتانە ئامادەیە.

🔹ئەگەر لە رووبەرووبونەوە و لادانێکی فیکری و ئەخلاقیدا بە ڕێبازێکی ڕاست و دروست ڕێنماییمان بکرێت، ئەوا هیچ ڕێبازێکی باشتر لە ڕێبازی "حسێن" (سەلامی خوای لەسەر بێت ) نییە کە بتوانێت خاڵی دەستپێک و بنەمایەک بێت بۆ ڕووبەڕووبوونەوەی هەموو لادانێک.

 

🔹ئێمە وەک عێراقی شەڕی تیرۆرمان کردووە، و بەنرخترین خوێنی ڕۆڵە و براکانمان پێشکەش کردووە، بۆ بەرپەرچدانەوەی ئەو هێرشە دڕندانەیە بۆ سەر ئەو وڵاتە کە جەستە و بیری حوسێن ڕێزی لێ گیرا و هەر شەهیدێکیش کە ئەم خاکە لە باوەشی گرتبوو، شوێنکەوتووی حوسێن بووە ، و هەر بریندارێک کە خوێنی تێکەڵ بە تۆزی شەڕ بوو، حوسێن لە برینەکەیدا ئامادە بوو، پرەنسیپەکان وەک یەکن و پارچە پارچە نییە ئەمانە هەمان ئەو بنەمایانەن کە پاڵنەرمانن بۆ پابەندبوون بە ڕێگای دەوڵەتسازی و چاکسازییەوە ، بۆ درێژکردنەوەی حەقیقەت و مرۆڤایەتی و دادپەروەری کۆمەڵایەتی و کارکردن بۆ خۆشگوزەرانی وڵاتەکەمان.

 

خوای گەورە پاداشتی ئەو کەسانە بداتەوە کە یادی شەهیدبوونی ئیمام حسێن و هاوەڵانی دەکەنەوە .

سڵاو لە حوسێن و عەلی کوری حسێن و ئەولادەکانی حسێن و هاوەڵانی حسێن.