سەرۆک وەزیران بڕیاڕیدا لەم هەفتەیە دوو کۆبونەوەی ئەنجومەنی وەزیران بەڕێوەبچیت

ئەمڕۆ یەک شەممە"محمد شیاع سودانی" سەرۆک وەزیران ڕێنماییدا کە لەم هەفتەیە دوو دانیشتنی کابینەی حکومەت بەڕێوەبچێت.

"بەسم عەوادی" وتەبێژی حکومەت،لە بەیاننامەیەکدا کە بۆ ئاژانسی هەواڵی عێراقی (INA) ناردوویەتی، ڕایگەیاندووە:- محەممەد شیاع سودانی" سەرۆک وەزیران ڕێنمایی داوە کە لەم هەفتەیە دوو دانیشتنی کابینەی حکومەت ئەنجامبدرێت. 

روونیشیکردۆتەوە :- کە رۆژی سێشەممەی داهاتوو دانیشتنی یەکەم بەڕێوەدەچێت کە هاوکاتە لەگەڵ ٤ی تەمموز، هەروەک دانیشتنی دووەمیش رۆژی پێنج شەممەی داهاتوو بەڕێوەدەچێت کە هاوکاتە لەگەڵ ٦ی تەمموز.

عەوادی لە بەیاننامەکەدا ئاماژەی بەوەشداوە :- بەڕێوە چونی دوو کۆبونەوە لەیەک هەفتەدا ، بۆ قەرەبووکردنەوەی دانیشتنەکەی هەفتەی ڕابردوو دێت ، کە ئەنجام نەدرابوو بەبۆنەی جەژنی قوربانەوە، کە بەمەبەست لێی دڵنیابوونە لە بەردەوامی کارەکانی حکومەت و بەدواداچوون بۆ کارەکانی ئەنجومەنی وەزیران بەبێ و دواخستن و دواکەوتن.