شێخ خەزعەلی داوای پشتیوانی لە هەڵوێستە جەماوەرییەكەی بەردەم باڵیۆزخانەی سوید دەكات

هەر لە بەیاننامەكەدا رایگەیاندوە: ڕۆژ لە دوای ڕۆژ، درۆیی ئەو دروشمانەی كە وڵاتانی ڕۆژئاوا بەرزیان دەكەنەوە، سەبارەت بە ئازادی بیروباوەڕی ئایینی و ڕەتكردنەوەی قسەی ڕق و كینە، ڕوون دەبێتەوە، ئەوە دواهەمینیان نییە ئەوەی لە دەوڵەتی سویددا ڕوویدا بە سووتاندنی كتێبی پیرۆزی خودا لە پەیامێكی ڕوون بۆ دوژمنایەتی ڕۆژئاوا بەرامبەر ئیسلام و كتابەكەی، لە ژێر چاودێری و هاندان و پاراستنی دەسەڵاتدارانی ئەوێ.

هەروەها ئاماژەی بۆ ئەوەشكردووە: لێرەوە دەبێت پاڵپشتی ئەو هەڵوێستە جەماوەرییەی كە لەبەردەم باڵیۆزخانەی سویددا بەڕێوەدەچێت بكرێت و باڵیۆزی سوید دەربكرێت، ئەمەش لە بەرامبەر ئەو پێشێلكارییە ئاشكرایەی بەرامبەر بیروباوەڕ و هەستی ملیۆنان موسڵمان كرا.