لیژنەی دارایی: لەسەر پرسی بودجە گفتوگۆ لەسەر سێ خاڵی سەرەکی دەکەین لەگەڵ بەرپرسانی حکومەت

ئەمڕۆ شەممە، لیژنەی دارایی نیازی خۆی لە 3 خاڵی سەرەکی پەیوەست بە بودجەی ساڵی 2023 لەگەڵ حکومەت دووپاتکردەوە ، هاوکات بژاردەکانی خۆی سەبارەت بە کەمکردنەوەی کورتهێنانی 64 ترلیۆن دینار ئاشکراکرد.

"جەمال کوچەر " ئەندامی لیژنەکە لەلێدوانێکیدا بۆ عێراقیە نیوز، کە ئاژانسی هەواڵی عێراقی (INA) لەگەڵی بڵاودەکاتەوە ، رایگەیاند " لیژنەی دارایی ویستی واتە ،کە لەڕێگەی میوانداریکردنی ژمارەیەک بەرپرس و وەزیرەوە، روونکردنەوە یاخود وڵام لەبارەی 3 خاڵی بنەڕەتی بەدەستبهێنێت لەناو بودجەدا، خاڵی سێیەمیش پێویستی بەدواداچوونی ورد هەیە لەپرسی تەرخانکردنی وەزارەت و پارێزگاکان و کەرتەکاندا.

راشیگەیاند "کە لیژنەکە بەردەوام دەبێت لە کۆبوونەوەکانی لەگەڵ بەرپرسان تا دەگاتە دڵنیایی و ئاگاداری تەواو لەسەر هەموو بڕگەکانی بودجە.

ئاماژەی بەوەشکرد، "کەمکردنەوەی کورتهێنان لە بەدجەی وەبەرهێنان چارەسەر بکرێت. 

ئەو پەرلەمانتارە لە درێژەی قسەکانیدا ، وتی"لیژنەی دارایی پێیوایە کە بودجەی وەبەرهێنان وەک خۆی دەمێنێتەوە بەبێ هیچ کەمکردنەوەیەک، ئێمەش هەموو هەوڵێک دەدەین بۆ تەواو بوونی.

هەروەک وتیشی " کە هەندێک وەزارەت دەتوانن هەندێک لە پێداویستییەکانیان بگوازنەوە بۆ پرۆژە بودجەی دواتر .

روونیشیکردەوە" کە نرخی نەوت لە بازاڕەکانی جیهاندا لە نێوان 80 بۆ 85 دۆلارە، و هیچ ترسێک لە دابەزینی نییە.

ئەوەشی خستەروو کە " هەندێک وەزارەت تا مانگی نیسانە ، تەنها 10%ی تەرخانکراوەکانیان بۆ یاسای پاڵپشتی فریاگوزاری خەرجکردووە.

سەبارەت بە وادەی دەنگدان لەسەر بودجە"جەمال کۆچەر " دووپاتیکردەوە کە تا ئێستا هیچ وادەیەکی دیاریکراو نییە بۆ تێپەڕاندنی بودجە و لیژنەکە پێویستی بە نزیکەی ١٥ ڕۆژ هەیە بۆ تەواوکردنی میوانداریکردنی بەرپرسەکان، و دوای ئەوەش پێویستی بە ٥ بۆ ١٠ ڕۆژی تر هەیە بۆ ئەوەی باس لە دەرئەنجامەکانی گفتوگۆکان بکات کە لەگەڵ بەرپرسان ئەنجامیان داوە.