سەحاف واژۆكردنی ڕێككەوتنێك لەگەڵ ڕوسیا بۆ لێخۆشبوون لە ڤیزا ڕادەگەیەنێت
سیاسی
- 2-04-2023, 16:14
بەغدا - INA
ئەمڕۆ یەكشەممە ئەحمەد سەحاف وتەبێژی وەزارەتی دەرەوە واژۆكردنی ڕێكەوتنێكی لەگەڵ ڕووسیا ڕاگەیاند بۆ لێخۆشبوونی خاوەن پاسپۆرتی دیپلۆماسی و خزمەتگوزاری و تایبەت لە ڤیزەی چوونە ژوورەوە.
سەحاف بە ئاژانسی هەواڵی عێراقی (INA)ی ڕاگەیاند : ئەمڕۆ لە بارەگای وەزارەتی دەرەوە ڕەشنووسی ڕێكەوتنێك واژۆ كرا بۆ لێخۆشبوونی خاوەن پاسپۆرتی دیپلۆماسی و خزمەتگوزاری و تایبەت لە ڤیزەی چوونە ژوورەوە لە نێوان حكومەتی كۆماری عێراق و حكومەتی فیدراسیۆنی ڕووسیا.
هەروەها وتی : عەبد ئەلڕەحمان حسێنی جێگری سكرتێری وەزارەتی كاروباری كارگێڕی و تەكنیكی، ڕێككەوتنەكەی لە لایەنی عێراقییەوە واژۆ كردووە، هاوكات لە لایەنی ڕووسیاشەوە لەلایەن ئەلیبروس كۆتراشێڤـ باڵیۆزی فیدراسیۆنی ڕووسیا لە عێراق واژۆ كراوە و ئاماژەی بەوەشكرد ئەم ڕێككەوتنە لە چوارچێوەی دیدگای وەزارەتی دەرەوەدایە بۆ بەرزكردنەوەی پێگەی پاسپۆرتی عێراق لە چوارچێوەی پلاتفۆرمی وەزاری حكومەتدا عێراقی.
