ئەعرەجی: حكومەتی ئێستای عێراق سیاسەتی کراوەیی بەڕووی وڵاتان و پەیوەندییەکان و پەرەپێدانی پەیوەندییەکان لە هەموو بوارەکاندا پەیڕەو دەکات

بەغدا - INA
 ئەمڕۆ شەممە، قاسم ئەعەرەجی ڕاوێژکاری ئاسایشی نیشتمانی دووپاتیکردەوە کە حکومەتی ئێستا سیاسەتی کراوەیی بەرامبەر وڵاتان و پەرەپێدانی پەیوەندییەکان لە هەموو بوارەکاندا پەیڕەو دەکات.
 نووسینگەی ڕاگەیاندنی ڕاوێژکاری ئاسایشی نیشتمانی، لە ڕاگەیاندراوێكدا  کە بۆ ئاژانسی هەواڵی عێراقی  نێردراوە تێیداهاتووە ، "قاسم ئەعرەجی ڕاوێژکاری ئاسایشی نیشتمانی، ئەمڕۆ لە نووسینگەی تایبەتی  خۆی پێشوازی لە سەرۆکی ئەنجوومەنی وەزیرانی عەرەبی داد، و وەزیری دادی مەغریب، عەبدوللەتیف وەهبی، و شاندی یاوەری، بە ئامادەبوونی وەزیری دادی عێراق، خالد شوانی، زیاد تمیمی جێگری وەزیری دادی.
 ئاماژەی بەوەشکرد، "لە میانی کۆبوونەوەکەدا ئاسۆی هاوکاریی نێوان عێراق و شانشینی مەغریب، و پتەوکردنی پەیوەندیی هاوبەشی و برایەتی نێوان هەردوو وڵات و دوو گەلی برایان تاوتوێکرد، ئەمە جگە لەوەی پێداچوونەوە بە دیارترین پرس و تەحەددیاتەکانی ناوچەکەدا کرا". و لە ئاستی نێودەوڵەتیشدا”.
 وەزیری دادی مەغریب ستایشی "هێزە ستراتیژییەکەی کرد کە عێراق خاوەنییەتی و ڕۆڵێکی کارا لە ناوچەکەدا"، ئاماژەی بەوەشکرد "مەغریب، پاشا و حکومەت، بەوپەڕی خۆشحاڵییەوە چاوەڕێی بەردەوامبوون و زیادکردنی هاوکارییە لەگەڵ عێراق لە هەموو بوارەکاندا، بەتایبەتی هاوکاریی ئەمنی و ئاڵوگۆڕی زانیاری".
 لای خۆیەوە ئەعەرەجی جەختی لەوە کردەوە کە "حکومەتی سودانی سیاسەتی کرانەوە بەڕووی وڵاتان، پەیوەندی و پەرەپێدانی پەیوەندییەکان لە هەموو بوارەکاندا پەیڕەو دەکات، لەوانەش پەرەپێدان و پتەوکردنی پەیوەندییەکانی لەگەڵ شانشینی مەغریب”.