مەندەلاوی و عەسومی رێككەوتن لەسەر پتەوكردنی هەماهەنگی و پەیوەندییە پەرلەمانییەكان

نوسینگەی ڕاگەیاندنی جێگری یەكەمی سەرۆكی ئەنجومەنی نوێنەران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: ئەمڕۆ موحسین مەندەلاوی جێگری یەكەمی سەرۆكی ئەنجومەنی نوێنەران، پێشوازیكرد لە عادل بن عەبدولرەحمان عەسومی سەرۆكی پەرلەمانی عەرەبی.

مەندەلاوی بەخێرهاتنی عەسومی كرد كە بەشداری لەكارەكانی سی و چوارەمین كۆنگرەی یەكێتی پەرلەمانی عەرەبی لەبەغدا دەكات، ئاماژەی بەوەشدا: ڕێككەوتن لەسەر ئەوە كراوە كە دەرفەتی ئامادەبوونی پەرلەمانتارانی عەرەب رەخسێندراوە بۆ بەهێزكردنی هەماهەنگی و پەیوەندییە پەرلەمانییەكانی نێوان وڵاتانی بەشداربوو و بەدیهێنانی بەرژەوەندییە عەرەبییەكان.