شاندێكی ئه‌منی به‌سه‌رۆكایه‌تی بریكاری كاروباری پۆلیس ده‌گاته موسه‌ننا به‌مه‌به‌ستی لێكۆلینه‌وه له‌ورده‌كاریه‌كانی رووبه‌رووبوونه‌وه له‌گه‌ڵ چه‌ته تاوانباره‌كان
ئەمنی
- 13-01-2023, 13:44
به‌غداـ INA
ئه‌مڕۆ هه‌ینی، شاندێكی ئه‌منی گه‌یشته پارێزگای موسه‌ننا مه‌به‌ستی ئه‌نجامدانی لێكۆلینه‌وه له‌ورده‌كاریه‌كانی رووبه‌رووبوونه‌وه له‌گه‌ڵ چه‌ته تاوانباره‌كان.
ئاژانسی كاروباری پۆلیس له‌راگه‌یندراوێكدا كه‌بۆ ئاژانسی هه‌واڵی عێراقی (INA ) ناردووه، راگه‌یاند" له‌سه‌ر راسپارده‌ی وه‌زیری ناوخۆ، بریكاری وه‌زاره‌ت بۆ كاروباری پۆلیس فه‌ریق عاد عه‌باس ئه‌لخالدی به‌سه‌رۆكایه‌تی شاندێكی ئه‌منی كه‌پێكهاتبوو له‌به‌رێوبه‌ری ئۆپه‌راسیۆنه‌كان له‌وه‌زاره‌ت و به‌رێوبه‌ری به‌ره‌نگاربوونه‌وه‌ی تاوان له‌به‌غدا و ژماره‌یه‌ك له‌ئه‌فسه‌ران گه‌یشته پارێزگای موسه‌ننا.
هه‌روه‌ها ئاماژه به‌وه‌دا كه‌ئامانجی سه‌ردانی ئه‌م شانده ئاگاداربوون و لێكۆلینه‌وه‌یه له‌ورده‌كاریه‌كانی رووداوه‌كه كه‌دوێنێ له‌كاتی جێبه‌جێكردنی ئۆپه‌راسیۆنێك روویداوه وله‌گه‌ڵ گروپێكی چه‌ته تاوانباره‌كانی ئه‌م پارێزگایه رووبه‌رووی یه‌تر بوینه‌وه.
