دوای پێنج ساڵ لەراگیرانی کۆلێژی هێزی ئاسمانی دەرگای بەڕووی وەجبەیەکی نوێ لەبەشداربوانی دەکاتەوە

ئەمڕۆ دووشەممە، دوای زیاتر لە پێنج ساڵ پچڕانی کۆلێژی هێزی ئاسمانی عێراق دەرگاکانی بەڕووی وەجبەیەکی نوێی لە بەشداربوواندا کردەوە لە چوارچێوەی خولی (80)ی ڕاهێنانی .

ئەمرۆ دووشەممە، "ثابت محمد سەعید عەباسی" وەزیری بەرگری بە فەرمی وەجبەی نوێی لە خولی80ی مەشق و ڕاهێنان بۆ هێزی ئاسمانی عێراق ڕاگەیاند.

 "عەباسی " بە ئاژانسی هەواڵی عێراقی (INA)ی ڕاگەیاند"ئەمڕۆ لە بنکەی "محمد عەلائی " ئاسمانی کۆدەبینەوە بۆ وەرگرتنی وەجبەیەکی نوێ لە پاڵەوانان کە توانای هەڵگرتنی بەرپرسیارێتی و تەواوی تواناکانیان بۆ سوپای عێراق دابین بکەن بەمەبەستی پاراستنی عێراق ، و ئاسایشی لە هەر هێرش یان دەستدرێژییەک کە بکرێتە سەری. 

 ئاماژەی بەوەشکرد، ئێوە نوێنەرایەتی ئایندەی عێراق دەکەن، فڕۆکەوانی داهاتوون و لەڕێگەی ئێوەوە ئاسمانی عێراق دەپارێزرێت.

وەزیری بەرگری لە درێژەی قسەکانیدا وتی "ئەمڕۆ لەم شوێنە کۆدەبینەوە بە مەبەستی ئاهەنگ گێڕان بە بۆنەی ناونوسکردنتان لە خولی مەشق و ڕاهێنانی 80، کە لە کۆلێژی هێزی ئاسمانی دەکرێتەوە. هیوادارین لە ئاست ئەو بەرپرسیارێتییە دابن کە پێتان سپێردراوە.