ئەعەرەجی جەخت لەسەر گرنگی بەردەوامی هاوکاری نێوان بەغدا و پاریس لە بواری بەرەنگاربوونەوەی تیرۆر دەکاتەوە

بەغداد/ INA
ئەمڕۆ شەممە"قاسم ئەعەرەجی" ڕاوێژکاری ئاسایشی نیشتمانی،جەختی لەسەر  گرنگی بەردەوامی هاوکاری و هاوبەشی نێوان بەغدا و پاریس کردەوە لە بواری بەرەنگاربوونەوەی تیرۆردا.
لەوبارەیەوە نووسینگەی ڕاگەیاندنی ڕاوێژکاری ئاسایشی نیشتمانی، لە بەیاننامەیەکدا کە بە ئاژانسی هەواڵی عێراقی (INA) گەیشتووە ڕایگەیاندووە" "ئەمڕۆ شەممە "قاسم ئەعەرەجی " ڕاوێژکاری ئاسایشی نیشتمانی،لە نووسینگەی  تایبەتی خۆی پێشوازی لە"ئێریک شوفالیە " باڵیۆزی فەرەنسا لە بەغدا کرد.
 لەبەیاننامەکەدا ئەوەش هاتووە"ئەعەرەجی" لەگەڵ باڵیۆزی فەرەنسا باسیان لە شێوازی دەسپێکی ئامادەکارییەکانی بەرێوەچونی جامی کەنداو 25 لە بەسرە کرد، هەروەک هیوای عێراقییەکانیشی خستەروو  کە ئەم سەرکەوتن و ئامادەکارییە ببێتە هۆی هەڵگرتنی قەدەغە لە سەر یاریگاکانی عێراق.
 لەبەشیکی دیکەی بەیاننامەکەدا هاتوە " کە هەردوولا گفتوگۆیان لەسەر "دۆخی سیاسی و ئەمنی، لەسەر ئاستی هەرێمی و نێودەوڵەتی کرد،و جەختیشیان لەسەر  گرنگی بەردەوامی هاوکاری و هاوبەشی نێوان بەغدا و پاریس کردەوە ، لە بواری بەرەنگاربوونەوەی تیرۆر و ئاڵوگۆڕی زانیاری و شارەزایی.
هەروەها هەردوو لا باسیان مەلەفی کەمپی"هۆل " لە سوریا کرد و گرنگی کۆتاییهێنان بەم  مەلەفە  هەستیارە کردووە، بۆ پاڵپشتیکردنی هەوڵەکان بۆ بەرەنگاربوونەوەی تیرۆر و سەقامگیری ئاشتی لە ناوچەکە و جیهاندا.