مەندەلاوی لەگەڵ سەرۆكی تۆڕی میدیایی لەبارەی بەرزكردنەوەو پەرەپێدانی ڕۆڵی كاری تۆڕەكە گفتوگۆ دەكات

نوسینگەی جێگری یەكەمی سەرۆكی ئەنجومەنی نوێنەران لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: موحسین مەندەلاوی جێگری یەكەمی سەرۆكی ئەنجومەنی نوێنەران ئەمڕۆ لەنووسینگەی خۆی پێشوازیكرد لە دكتۆر نەبیل جاسم سەرۆكی تۆڕی ڕاگەیاندنی عێراقی و ئاماژەی بەوەكرد: كە باس لەواقیعی كاری تۆڕەكەو دەزگا پەیوەندیدارەكانی كراوە.

ئاشكراشیكرد: لەمیانەی كۆبوونەوەكەدا داوای دامەزراندنی فەرمانبەرانی گرێبەستی تۆڕی میدیایی عێراق كرا بەپێی بڕیاری 315 لەبودجەی ساڵی داهاتوو، هەروەها گفتوگۆیان لەسەر ڕێگاكانی باشتركردنی كارەكەی و پەرەپێدانی ڕۆڵەكەی كرد، بەشێوەیەك كە پێداویستیەكانی قۆناغی ئێستا و هەروەها پاراستنی هەماهەنگی لەگەڵ ئەنجومەنی نوێنەران و لیژنە پەیوەندیدارەكانی جێبەجێ بكرێت، بەشێوەیەك كە بەشداری لە سەرخستنی كارەكانی تۆڕەكە بكات.