سوودانی بۆ سیسی ... عێراق بە پەرۆشە بۆ پارستەی پەیوەندییەكانی لە گەڵ وڵاتانی عەرەبی و ناوچەكەكە

ئەمڕۆ پێنجشەممە، محەممەد شیاع سودانی، سەرۆكوەزیران، پەرۆشی عێراقی بۆ پاراستنی پەیوەندییەكانی لەگەڵ دەوروبەری عەرەبی و ناوچەیی دووپاتكردەوە.

هەروەها لە راگەیندراوەكە ئەوەیش هاتووە، "لە میانی كۆبوونەوەكەدا پەیوەندییە دووقۆڵییەكانی نێوان هەردوو وڵات، و ئاسۆی هاوكاری هاوبەشیان لە ئاستە جیاوازەكاندا تاوتوێ كرد. هاوكات لە كۆبوونەوەكەدا گفتوگۆكردن بوو لەسەر كۆمەڵێك پرسی ناوچەیی و نێودەوڵەتی كە جێگەی نیگەرانی هاوبەشن".

سودانی جەختی لەوە كردووەتەوە، “پەرۆشی عێراق بۆ پاراستنی پەیوەندییەكانی لەگەڵ وڵاتانی دەوروبەرە عەرەبی و ناوچەییەكەی، و كردنەوەی ئاسۆ بۆ هاوكاریی ئابووری لە هەموو شتێكدا كە دەبێتە هۆی بەرزكردنەوەی ئەو هەوڵە بێوچانانەی كە ئامانج لێی گەیشتن بە بەرژەوەندییەكانی هەرودوو گەلی برا و وڵاتانی ناوچەكەیە.

لای خۆیەوە سەرۆكی میسر خواستی وڵاتەكەی دووپاتكردەوە بۆ چەسپاندنی پەیوەندیی دووقۆڵییەكان بەرەو هاوكاری و یەكگرتنی زیاتر لە بوارەكانی ئابووری و گەشەپێدان، ئاماژەی بە ڕۆڵی عێراق لە ناوچەكە و هەوڵەكانی بۆ پتەوكردنی بناغەكانی ئاسایش و سەقامگیری كرد.