سەرۆك كۆمار جەخت لە پەرۆشی عێراق دەكات بۆ باشتركردنی پەیوەندییەكانی لەگەڵ ئوردن

سەرۆكایەتی كۆمار لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: سەرۆك كۆمار عەبدولەتیف جەمال ڕەشید لە جەزائیر لەگەڵ میری شازادەی هاشمی ئوردونی شازادە حسێن كوری عەبدوڵای دووەم كوری حسێن كۆبووەوە، كە سڵاوی شاعەبدوڵڵای دووەمی گەیاندە فەخامەتی سەرۆك كۆمار و هیوای خێر و پێشكەوتنێكی بۆ گەلانی عێراق خواست.

لەبەرامبەردا سەرۆك كۆمار سڵاوی برایانەی پاشای ئوردونی بەرز نرخاند،و جەختی لەسەر پەرۆشیی عێراق كردەوە بۆ بەهێزكردنی رایەڵەكانی برایەتی و هەماهەنگی نێوان هەردوو وڵات بەشێوەیەك كە زامنی بەرزكردنەوەی ئاستی پەیوەندییە دووقۆڵییەكان بێت بۆ خزمەتكردنی بەرژەوەندییە باڵاكانی هەردوو گەلی برا.