دەزگای هەواڵگری سێ تیرۆریستی دەستگیرکرد ، کە یەکێکیان دەستی هەبووە لە بەئامانجگرتنی ھێزە ئەمنییەکان

 شانەکە لە بەیاننامەیەکدا کە بە ئاژانسی هەواڵی عێراقی (INA) گەیشتووە، ڕایگەیاندووە"دەزگای هەواڵگری و لێکۆڵینەوەی فیدراڵ لە وەزارەتی ناوخۆ توانیویەتی لە میانی ئۆپەراسیۆنێکدا لە پارێزگای کەرکوک سێ تیرۆریستی دیار دەستگیربکات.

بەیاننامەکە راشیگەیاندوە "کە دەزگای هەواڵگری و لێکۆڵینەوەی فیدراڵ لە وەزارەتی ناوخۆدا توانیویەتی ئەو ئەرکە جێبەجێبکات.

یەکێک لەو تیرۆرستانەت کە دەستگیر کراوە، بەرپرسی بەناو ئاسایشی ناوخۆ بوە ، لە کەرکووک لەگەڵ چوار گروپ ،و (١٦) تیرۆریستی تر لە چەتەکانی داعش کاری تیرۆرستی ئەنجامداوە ، و تۆمەتبارە بە کۆکردنەوەی زانیاری و سیخوڕیکردن لەسەر خاڵە پشکنینەکان و شوێنە ئەمنییە گرنگەکان و دادگاکان و چاودێریکردنی هەندێک لە ئەفسەرەکان بۆ مەبەستی بە ئامانجگرتنیان .

 لە درێژەی بەیاننامەکەدا ھاتوو" تیرۆریستەکەی تر، لە حەویجە دەستگیرکراوە، و کاریکردووە بۆ گواستنەوەی ئەو گروپانەی کە سەر بە چەتەکانی داعش بوون بە مەبەستی پەروەردەکردنیان و بەدواداچوونیان لە کۆکردنەوەی زانیاری و سیخوڕی و چاودێریکردن لە ڕێگەی خۆیەوە،لە لێکۆڵینەوەکانیشدا لەگەڵی دەرکەوتوە کە (٧) برای هەیە،و هەموویان لەناو باندە تیرۆریستییەکان، سەرکردەی دیاری تیرۆرستین. 

 لەبەشێکی دیکەی بەیاننامەکەی دەزگای ھەواڵگریدا ھاتوە " لە ئەنجامی کاری وردی پێشوەختەی دەزگای هەواڵگری ، توانرا تیرۆریستێکی دیکەش لە ناحیەی تازەی کەرکووک دەستگیربکات، کە لە ساڵی ٢٠١٤وە بەیعەتی داوە بە داعش، و دژی ھێزە ئەمنیەکان چەکی هەڵگرتوە، و وەک جوندی بەناو یوانی رەشاد ویلایەتی کەرکوک و پاشان لە چەند شوێنێکی دیکەی باندە تیرۆریستییەکان کاری کردوە .