ڕاوێژكاری ئاسایشی نیشتمانی و باڵیۆزی بەریتانیا گفتوگۆ لەسەر دەستپێشخەرییەكەی كازمی دەكەن

نوسینگەی ڕاگەیاندنی ڕاوێژكاری ئاسایشی نیشتمانی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: ڕاوێژكاری ئاسایشی نیشتمانی قاسم ئەعرەجی، ئەمڕۆ پێشوازیكرد لە مارك برایسۆن ڕیچاردسۆن، باڵیۆزی بەریتانیا لە بەغدا.

ئاشكراشیكرد: لە دیدارەكەدا دواین پێشهاتەكانی بارودۆخی سیاسی و ئەمنی و پتەوكردنی پەیوەندییەكانی نێوان بەغدا و شانشینی یەكگرتوو و هەروەها درێژەدان بە شەڕی تیرۆریزم بۆ بەهێزكردنی ئاسایش و سەقامگیری ناوچەكە خرایە بەر باس، هەروەها گفتوگۆیان لەسەر دەستپێشخەرییەكەی مستەفا كازمی سەرۆك وەزیران كرد بۆ كۆكردنەوەی لایەنە سیاسییەكان لەسەر مێزی دیالۆگ و دۆزینەوەی ڕێگەیەك بۆ دەربازبوون لە بنبەستی سیاسی و گەیشتن بە تەوافوقی نیشتمانی.

باڵیۆزی بەریتانیا تەئكیدیكردەوە: كە ئێمە متمانەیەكی زۆرمان هەیە بە حیكمەتی سەركردە سیاسییەكان و ئارەزوویان بۆ لێكتێگەیشتن و هاوئاهەنگی و هاتنەدی چارەسەری پراكتیكی كە خزمەتی گەل و دەوڵەت بكات.