فەرماندە هاوبەشەكان پلانی داخستنی كەلێنەكانی سنور لەگەڵ توركیا ئاشكرادەكات

فەرماندەیی ئۆپەراسیۆنە هاوبەشەكان ئەمڕۆ یەكشەممە، پلانی تایبەتی بۆ پاراستنی سنوور لەگەڵ توركیا ئاشكرا كرد، هەروەها بەكارهێنانی سێ جۆری فڕۆكەی لەپلانی موحەرەم ڕاگەیاند.

وتەبێژی فەرماندەیی ئۆپەراسیۆنە هاوبەشەكان لیوا تەحسین خەفاجی بەئاژانسی هەواڵی عێراقی ڕاگەیاند: جێگری فەرماندەی ئۆپەراسیۆنەكان لەگەڵ فەرماندەی پاسەوانی سنوور و پێشمەرگەدا سەردانێكی گرنگیان كرد بۆ سنوورەكە، بۆ چاودێریكردن و بینینی كەلێنەكانی هێڵی سفری نێوان ئێمە و توركیا.

ئاشكراشیكرد: موستەفا كازمی، فەرماندەی گشتی هێزە چەكدارەكان، بە مەبەستی تەواوكردنی ڕێكارەكانمان، بۆ داخستنی كەلێنەكان بەمەبەستی ڕێگریكردن لە هەر دزەكردنێك و پاراستنی ئارامی و ئارامی سنوورەكان، پلانی پێویست ئامادەكراوە، و وتیشی: ئەمە یەكەمجارە ئاڵای عێراق لەسەر سنووری توركیا هەڵدەكرێتەوە.

رونیشیكردەوە: هەماهەنگییەكی بەرچاو هەیە لەگەڵ هێزی پێشمەرگە لە هەموو ناوچە ئەمنییەكاندا كە پێشكەوتنێكی گرنگ و بەرچاوە.

سەبارەت بە ئامادەكارییەكانی مانگی موحەرەمیش، رایگەیاند: فەرماندەیی ئۆپراسیۆنەكانی بەغدا، لەگەڵ فەرماندەیی ئۆپەراسیۆنی فوراتی ناوەندی لە كەربەلا و نەجەف، بە هاوكاری فەرماندەیی ئۆپەراسیۆنە هاوبەشەكان، پلانی پێویستی ئامادەكردووە، پلانەكە هەوڵە هەواڵگری و ئەمنییەكان و كاراكردنی یاداشتەكانی كۆبوونەوەكە گرتن و ئۆپراسیۆنی چۆنیەتیی پێش مانگی موحەرەم لەخۆدەگرێت.

وتیشی: ماوەیەك لەمەوپێش دەستمان كرد بە ئەنجامدانی ئەو كارە بۆ بەدواداچوونی ئەو رێرەوانەی كە تیرۆریستان هەوڵ دەدەن كاریگەری لەسەر رێورەسمی سەردانەكەران و رەوشەكەی بكەن.

ئاشكراشیكرد: دوێنێ لە زنجیرەچیای عەدایا هێرشی ئاسمانیمان ئەنجامدا، كە هەشت تیرۆریست كوژران.

راشیگەیاند: لە پلانەكەدا چالاككردنی فڕۆكەی بێفڕۆكەوان و فڕۆكەی هێزی ئاسمانی و فڕۆكەی فەرماندەیی ئاسمانی سوپا چالاك دەبن و وتیشی: فڕۆكەكان ئامادەن لە هەر ساتێكدا دەستتێوەردان بكەن و هێزەكان بجوڵێنن.