بەڕێوەبەرایەتی هاتووچۆ داوای مەفرەزەكانی كردووە كار بە ترافیک لایت هەركەسێكیش پابەند نەبێت٢٠٠ هەزار سزا دەدرێت

 ئەمڕۆ یەکشەممە، بەڕێوەبەرایەتی گشتی هاتووچۆ پشتڕاستی کردەوە کە داوای ئاڕاستەکردنی مەفرەزەکانی لە بەغدا و پارێزگاکان بۆ کارکردن لەسەر ترافیک لایت لە چوارڕێیان و شەقامە گشتیەکان، ئاماژەی بە سزای غەرامەکردنی 200 هەزار دینار بۆ هەر کەسێک کرد کە پابەند نەبێت بە ترافیک لایتەکان یان هێماکانی هاتوچۆی ڕێکخراو.

 بەڕێوەبەرایەتی گشتی هاتووچۆ لە راگەیەندراوێكدا كە وێنەیەكی دەست ئاژانسی هەواڵی عێراق كەوتووە، ئاماژەی بەوەكردووە، "بەپێی بڕگەكانی ماددەی (25) یەكەم (أ) لە یاسای هاتووچۆ ژمارە 8ی ساڵی 2019، كە تێیدا هاتووە: غەرامەیەك بە بڕی ( 200) هەزار دینار بەسەر هەر کەسێکدا دەسەپێندرێت کە پابەند نەبێت بۆ گڵۆپی هاتوچۆ یان سیگناڵی كارمەندانی هاتوچۆی ڕێکخراو".

 و ئاماژەی بەوەشکردووە، "بەڕێوەبەری هاتوچۆی گشتی، لیوا تاریق ئیسماعیل روبەیعی، رێنمایی سەرجەم مەفرەزەکانی هاتوچۆمان کرد کە لە بەغدا و سەرجەم پارێزگاکان جێگیرکراون، بۆ کارکردن لەسەر ترافیک لایت هاتوچۆ لە چوارڕێیان و شەقامە گشتیەکان."

 ئاماژەی بەوەشکردووە، "داوا لە هەموو هاوشاریانمان دەکەین، و شۆفێران بە تایبەتی، خۆبەخشانە ئەنجام بدەن و دوور بکەونەوە لەم سەرپێچییە، هەروەها سەرپێچیکارەکە بە توندی بەپێی یاسا لێپرسینەوەی لەگەڵ دەکرێت".