هێزەكانی حەشدی شەعبی پیلانێكی تیرۆریستی لە باشووری سەڵاحەدین پووچەڵكردەوە

بەغدا - INA  

ئەمڕۆ هەینی هێزەكانی كۆكرحەشدی شەعبی ڕایانگەیاند كە پیلانێكی تیرۆریستییان لە باشووری سەڵاحدین پووچەڵ كردۆتەوە.

لە بەیاننامەیەكی حەشدی شەعبی كە بە ئاژانسی هەواڵی عێراقی (INA) گەیشتووە و ئاماژە بەوە كراوە : هێزێكی هاوبەشی فەوجی چوار و لیوای 35ی حەشدی شەعبی و پۆلیسی فیدراڵی، پیلانێكی تیرۆریستییان پووچەڵكردۆتەوە بۆ بەئامانجكردنی ناوچەی موكەیشیفە، باشووری پارێزگای سەڵاحەدین.

لە راگەیەندراوەكەدا ئاماژە بەوەشكراوە : ئەمە لەكاتی ئۆپەراسیۆنێكی ئەمنیدا هات كە هێزەكە لە ناوچەكە ئەنجامیدا، لەو ماوەیەدا 280 قازیفە و 60 بۆمبی هاوەنیان دۆزیوەتەوە كە سەر بە پاشماوەی چەتەكانی تیرۆریستی داعش بوون.

ئاماژەی بەوەشكرد : ئەم پاشماوەیانە بەنیازبوون چەكی بەكۆمەڵ بەكاربهێنن بۆ ئەنجامدانی ئۆپەراسیۆنی تیرۆریستی دژی هاوڵاتیان و هێزەكانی حەشدی شەعبی و هێزە ئەمنییەكان، بەڵام هێزەكانمان لە چاودێریدا بوون.

لە راگەیەندراوەكەدا هاتووە : ئۆپەراسیۆنەكە بەشێكە لە زنجیرەیەك ئۆپەراسیۆن كە لەلایەن لیوای 35 لە چوارچێوەی كەرتی بەرپرسیارێتیدا ئەنجامدراوە.