وەزارەتی بازرگانی پلانی دەرکردنی کارتی بەشەخۆراکی ئەلیکترۆنی ھەیە

 لە راگەیەندراوێکی وەزارەتەکەدا کە بە ئاژانسی هەواڵی عێراقی (INA)گەیشتووە، ئاماژە بە وەکراوە "کە کۆبوونەوەیەکی هاوبەش لە نێوان بەشەکانی پلاندانان و بەدواداچوون و کۆمپانیای گشتی بۆ بازرگانی خۆراک ئەنجامدرا،بە ئامادەبوونی بەشەکانی کۆمپانیاکە و تیمی کارتی بەشەخۆراکی ئەلیکترۆنی و بەشی پلاندانان و بەدواداچوون بۆ تاوتوێکردنی میکانیزمەکانی دەرکردنی کارتی بەشەخۆراکی ئەلیکترۆنی بە هاوڵاتیان بە هاوکاری لەگەڵ کۆمپانیای تەکنەلۆژیای زانیاری نیشتمانی.

 لە راگەیەندراوەكەدا ھاتوە کە لە میانی كۆبوونەوەكەدا، وردەكاری دەركردنی كارتی ئەلیكترۆنی و زانیاری و داتا و قۆناغەكانی كاركردن لەم پرۆژەیەدا بۆ ئۆتۆماتیككردنی كارتی بەشەخۆراك، كە بەشدار دەبێت لە بنیاتنانی داتابەیسێكی یەكگرتوو، نەهێشتنی شریتی سوور و كەمكردنەوە و ئاسانكردنی كات و هاوسەنگی لە گەشەپێدان باسیان لێوەکرا.

 ھەر لەراگەیندراوەکەدا ھاتوە کە لە كۆبوونەوەكەدا جەخت لە دەركردنی كارتەکە بۆ ژمارەی وردی خێزانەكان کراوتەوە بە هاوكاری بەشی پلاندانان و بەدواداچوون و کۆمپانیای خۆراک.