دەستەی دەسپاكی ساختەكاری و كاری نایاسایی لە نەجەف ئاشكرادەكات

بەغداد ـ INA

دەستەی دەستپاكی فیدراڵی ڕایگەیاند: دۆسیەی دەستکاریکردن و ساختەکاری و نایاسایی لە ژمارەیەک لەفەرمانگەكانی پارێزگای نەجەفدا دەستی بەسەردا گیراوە.
دەستەی دەستپاكی لە بەیاننامەیەكدا کە بۆئاژانسی هەواڵی عێراقی (INA) ناردوە، دەڵێت: تیمێكی دەستەی دەستپاكی لە پارێزگای نەجەف گواسترایەوە بۆ بەڕێوەبەرایەتی شارەوانیی نەجەف، بۆ بەدواداچونی دەستکاریکردنی بەرواری دەرکردنی ئەو کرێیەی لەلایەن شارەوانییەوە دەرچووە، هەروەها کەیسەکانی دەستکاریکردنی بەروارەكانیان کۆنترۆڵکردووە.
وتیشی: هەندێک لە فەرمانبەران دوو گرێبەستیان بۆ موڵکێک دەرکردووە، یەکێکیان دروستە، ئەوی تریان ساختەکراوە و دەست بەسەر سەرەتاکان و گرێبەستەكاندا گیراوە.
ئاماژەی بۆ ئەوەشكرد: تیمێکی تر گواستراوەتەوە بۆ فەرمانگەی باج و دەرامەتی کوفە و لەوێش فەرمانبەر هەبوە پارەی لە هاوڵتیان وەرگرتووە بۆ راییكردنی مامەڵەی خۆیان، وتیشی: ئەو بڕە پارەیە نەچوەتە ناو خەزێنەی دەوڵەتەوە، بەڵكو فەرمانبەرەكان بۆخۆیان بردویانە.
هاوكات تیمێكی تری دەستەی دەستپاكی نێردراوە بۆ بەڕێوەبەرایەتی شارەوانی کوفە و یەكێك لەبانکە حکومییەكان، بۆ لێکۆڵینەوە و کۆکردنەوەی زانیاری، تیمەکە توانی کۆنترۆڵی سەرەتاییەکانی چەكێكی تایبەت بکات بۆ گواستنەوەی زیاتر لە 344 ملیۆن دینار لە حسابی بەڕێوبەرایەتی لە بانکەکە بۆ خاوەنی کۆمپانیایەکی بانک بەشێوەیەی نایاسایی.
لەبەیاننامەكەدا ئەوەش ئاشكراكراوە : سێ تۆماری 
دەستبەسەرداگرتنە بنەڕەتییەکان ڕێکخرابوو، کە لەسەر بنەمای فەرمانی دادوەری ئەنجامدران و پێشکەش بە دادوەری دادگای لێکۆڵینەوەی نەجەف کران بۆ ئەوەی ڕێکاری یاسایی گونجاو بەرامبەرییان بگرێتەبەر.