دادگا رونكردنه‌وه ده‌دات له‌باره‌ى ئه‌و لیژنانه‌ى پێكهێنراون بۆ چاودێریكردنى حاڵه‌ته ره‌تكراوه‌كان له تۆڕه كۆمه‌ڵایه‌تیه‌كان
ناوخۆ
- 30-09-2021, 14:00
به‌غدا-اه‌ع
ئەنجومەنی باڵای دادوەری ،ئه‌مڕۆ پێنجشەممە ڕوونکردنەوەیەکی لەسەر ئەو لیژنەیەی بڵاوکردەوە کە بۆ چاودێریکردنی کەیسە کۆمەڵایەتی و ئەخلاقییەکان لە تۆڕە کۆمەڵایەتییەکاندا پێکهێنراوە.
له راگه‌یه‌ندراوێكى ئه‌نجومه‌نه‌كه كه ده‌ستى ئاژانسى هه‌واڵى عێراقى(اه‌ع) كراوه رایگه‌یاند:"پێکهێنانى ئەو لیژنەیە لەسەر داوایەک بووە کە لەلایەن سەعد مەعن سەرۆکى شانەى راگەیاندنى ئەمنییەوە بەرزکراوەتەوە دواى ئەوەى تێبینى چەند حاڵەتێکى لەو شێوەیە کراوە لە تۆڕە کۆمەڵایەتییەکان کە دژى بەها کۆمەڵایەتى و ئەخلاقییەکان".
رونیشیکردووە"حاڵەتەکان بریتین لە بانگەشەکردن بۆ ئاڵوگۆڕى هاوسەر، هاندانى بێدینى، لەشفرۆشى، برەودان بەو بیرۆکانەى کە لەگەڵ بنەما نەگۆڕەکانى ئیسلام ناگونجێن کە لەدەستوردا جێگیرکراون و تێیدا جەخت لە ناسنامەى ئیسلامى و ئاینى ئیسلام وەک ئاینى فەرمى دەوڵەت کراوەتەوە".
ئاماژه‌ى به‌وه‌كرد"هه‌ر بۆیە فەرمانی دادوەری دەرکرا بۆ پێکهێنانی لیژنەی ناوبراو بۆ چاودێریکردنی هەموو ئەو شتانەی کە تاوانێک پێکدێنێت بەپێی یاسای سزاو دەستووری عێراق کە تەئکیدی لەسەر پاراستنی خێزان و بەها ئایینی و ئەخلاقی و نەتەوەییەکانی کردەوە کە لەماددەی (29)"
وتیشی:"ئەوە لەبەرچاو گیراوە کە هەر یەکێتیەکی بەشدار لە کاری ڕاگەیاندندا بخوێنێتەوە و بینەریش نوێنەری هەبێت لە لیژنەکەدا بۆ دڵنیابوون لەوەی کە دەستەی یەکێتی بازرگانی لێهاتوو بە شێوەیەکی تەکنیکی بەشداری دەکات لە پێشێلکاری و بە وردی دەستنیشانی دەکات، هەروەها نوێنەری لایەنە ئەمنیەکان".
