مازن فه‌یاز به‌هۆى پێكانه‌وه له ریزى هه‌ڵبژارده‌ى نیشتمانى دورده‌كه‌وێته‌وه
وەرزش
- 24-01-2021, 00:00
به‌غدا-اه‌ع
لیژنه‌ى ئاساییكردنه‌وه‌ى یه‌كێتى توپى پێ،ئه‌مڕۆ یه‌كشه‌ممه،رایگه‌یاند به‌هۆى پێكانه‌وه یاریزان مازن فه‌یاز له‌ریزى هه‌ڵبژارده‌ى نیشتمانى دوركه‌وته‌وه و به‌شدار نابێت له‌یارى دۆستانه‌ى نێوان عێراق و كوێت.
لیژنه‌كه له راگه‌یاندراوێكدا كه وێنه‌یه‌كى ده‌ستى ئاژانسى هه‌واڵى عێراقى (اه‌ع) كه‌وتووه رایگه‌یاند:" به‌هۆى پێكانه‌وه یاریزان مازن فه‌یاز به‌شدارى یارى دۆستانه‌ى هه‌ڵبژارده‌ى نیشتمانى و كوێت ناكات،كه بریار وایه ڕۆژى چوارشه‌ممه‌ى داهاتوو له یاریگاى به‌سره‌ى نێوده‌وڵه‌تى ئه‌نجامبدرێت".
ئاماژه‌به‌وه‌كرا" پشكینینه‌كان ئه‌وه‌یان ده‌رخست كه فه‌یاز كه توشى پێكان بووه و پێویستى به پشووه بۆ ماوه‌ى 5 ڕۆژ".
