پارێزگارى زیقار:هاوڵاتیان گه‌شبینن به‌بڕیاره‌كانى تیمى شانه‌ى قه‌یرانه‌كانى له‌ناكاو
ناوخۆ
- 30-11-2020, 00:00
به‌غدا-اه‌ع-محه‌مه‌د تاڵبى
و:سۆما جاف
نازم وائیلى پارێزگارى زیقار دووپاتیكرده‌وه ڕه‌وشى ئه‌منى پارێزگاكه هێوه‌ربۆته‌وه،ئاماژه‌ى به‌وه‌شدا تیمى قه‌یرانه‌كانى له‌ناكاو كه‌له‌لایه‌ن سه‌رۆك وه‌زیران دروستكراوه ئامانجى سه‌پاندى یاسا وپاراستنى خۆپیشانده‌رانه.
وائیلى بۆ ئاژانسى هه‌واڵى عێراقى(اه‌ع)،ئه‌مڕۆ دووشه‌ممه،ڕایگه‌یاند"ڕه‌وشى ئه‌منى پارێزگاكه له‌دواى بڕیارى قه‌یرانه‌كانى له‌ناكاو كه‌دروستكرا بۆ قه‌یرانى له‌ناكاوى پارێزگاكه هێوه‌ربۆته‌وه"،ڕوونیشیكرده‌وه هاوڵاتیان گه‌شبینن به‌بڕیاره‌كانى تیمى قه‌یرانه‌كانى له‌ناكاو".
وتیشى"ئامانجى قه‌یرانه‌كانى له‌ناكاو سه‌پاندنى یاسا وگه‌ڕاندنه‌وه‌ى شكۆى وڵات وپاراستنى خۆپیشانده‌رانه"،وتیشى"لیژنه‌كه ده‌ستبه‌كاربوو وپلانێكى هه‌یه بۆ بڵاوه‌پێكردنى هێزه ئه‌منییه‌كان له‌پارێزگاكه".
ئاماژه‌یشى دا داواكارى خۆپیشانده‌ران عه‌قڵانى بوو وله‌نێوه‌یشاندا داواكارییه‌كانى په‌یوه‌ست به‌حكومه‌تى ناوه‌ندى وئه‌وانه‌ى تر به‌حكومه‌تى خۆجێى.
