حه‌لبوسى په‌یوه‌ندیه‌كى ته‌له‌فۆنى له‌گه‌ڵ خوێندكارێكى سه‌ركه‌وتوو ئه‌نجامده‌دات
ناوخۆ
- 2-10-2020, 00:00
به‌غدا-اه‌ع
محه‌مه‌د حه‌لبوسى سەرۆكی ئەنجومەنی نوێنەران،ئه‌مڕۆ هه‌نینى،پەیوەندییەكی تەلەفۆنی لەگەڵ خوێندكاری سەركەوتوو دوعا ئەنجامدا.
نوسینگه‌ى راگه‌اندنى سەرۆكی ئەنجومەنی نوێنەران،له راگه‌یاندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه راگه‌یاند:" حه‌لبوسى پەیوەندییەكی تەلەفۆنی لەگەڵ خوێندكاری سەركەوتوو دوعا فەلاح رەزاق لە پارێزگای نەجەف ئەنجامدا دوای بینینی بانگەوازەكەی لەرێی دەزگاكانی ڕاگەیاندنەوە، بەڵێنیدا بە دۆزینەوەی رێگەچارەیەك بۆ دۆخەكەی.
سەرۆكی ئەنجومەنی نوێنەران جه‌ختیكردەوە"سەركەوتوان و خاوەن تواناكان بڕبڕەی پشتی وڵاتن و ژیان بەرهەمدێنن، پشتیوانی كردنیان بەرپرسیارێتی دەوڵەت و كۆمەڵگەیە ئاماژەشی بەوە كرد هاندانی مەعنەوی چارەی كێشەكەیان ناكات، و پێویست بە بەرنامەیەكی زانستی دەكات تا بیانهێنێتە مەیدان بۆ بنیاتنانی نیشتمان".
