ره‌سوڵ:كازمى راسته‌خۆ چاودێرى كه‌یسى رفێندراوان ده‌كات

 

 

لیوا یه‌حیا ره‌سوڵ وته‌بێژی فه‌رمانده‌ی گشتی هێزه‌ چه‌كداره‌كان جه‌ختیكرده‌وه‌ مسته‌فا كازمی سه‌رۆك وه‌زیران به‌گرنگیه‌كی گه‌وره‌وه‌ له‌دۆسیه‌ی رفێندراوه‌كان ده‌روانێت و خۆی راسته‌وخۆ چاودێری دۆسیه‌ی رفاندنی سه‌جاد عێراقی چالاكوانی خۆپیشاندانه‌كان ده‌كات.

 

یه‌حیا ره‌سوڵ بۆ ئاژانسى هه‌واڵى عێراقى(اه‌ع) رایگه‌یاند:" مسته‌فا كازمی گرنگیه‌كى زۆر به‌ دۆسیه‌ی رفێندراوه‌كان ده‌دات و به‌به‌رده‌وامی چاودێری وردی كاره‌كان ده‌كات بۆ ئاشكركردنی چاره‌نوسی رفێندراوان، به‌تایبه‌تیش ئه‌و چاودێری دۆسیه‌ی رفاندنی سه‌جاد عێراقی چالاكوانی خۆپیشاندانه‌كان ده‌كات كه‌ له‌پارێزگای زیقاڕ رفێندراوه‌.

 

 باسی له‌وه‌شكردوه‌، ئۆپراسیۆنی ده‌ستبه‌سه‌رداگرتنی چه‌ك و لێكۆڵینه‌وه‌ و به‌دواداچون بۆ راده‌ستكردنی داواكراوه‌كان به‌دادگا به‌رده‌وامه‌ و ئۆپراسیۆنه‌كه‌ سه‌رجه‌م ناوچه‌كانیش ده‌گرێته‌وه‌.

 

مسته‌فا كازمی سه‌رۆك وه‌زیران رێنمایى به‌ فه‌رمانده‌یی ئۆپراسیۆنه‌ هاوبه‌شه‌كانی داوه‌ به‌دواداچون و لێكۆڵینه‌وه‌ی به‌په‌له‌ بكه‌ن له‌ رفاندنی سه‌جاد عێراقی چالاكوان و دۆزینه‌وه‌ی چاره‌نوسی.