کشتوکاڵ : سەرکەوتوو بووین لە کەمکردنەوەی نرخی گۆشتی سوور سەرەڕای بەرزبوونەوەی ئاستی جیهانی

بەغدا - INA
ڕۆژی پێنجشەممە وەزارەتی کشتوکاڵ سەرکەوتنی خۆی لە کەمکردنەوەی نرخی گۆشتی سوور پشتڕاستکردەوە سەرەڕای بەرزبوونەوەی ئاستی جیهانی نرخی گۆشتی سوور، هاوکات دووپاتیکردەوە کە هاوردەکردن فشارەکان لەسەر ئاژەڵە ناوخۆییەکان کەمدەکاتەوە.
محەمەد خوزاعی ، وتەبێژی وەزارەتی کشتوکاڵ بۆ ئاژانسی هەواڵی عێراقی (INA)ی ڕاگەیاند: "وەزارەتەکە سەرکەوتوو بووە لە کەمکردنەوەی نرخی گۆشتی سوور، سەرەڕای بەرزبوونەوەی نرخی گۆشتی سوور لە جیهاندا"، ئاماژەی بەوەشکرد، "بەرزبوونەوەی تێچووی خۆراک و گواستنەوە بەشداربووە لە بەرزبوونەوەی نرخی گۆشت لە سەرانسەری جیهاندا، نەک تەنها لە عێراق".
ئاماژەی بەوەشکرد، "هاوردەکردنی مانگا لە سەرچاوە جیهانییە بەناوبانگەکانەوە، هاوکات لەگەڵ هاوردەکردنی مەڕی سەربڕدراو و بەستوو لە وڵاتانی وەک مەنگۆلیا و جۆرجیا، بەشداربووە لە دابینکردنی بڕێکی زۆر گۆشت، بەتایبەتی بە لەبەرچاوگرتنی ئەوەی عێراق لەنێو ئەو وڵاتانەدایە کە زۆرترین خواردنی گۆشتی سووریان هەیە".
ئاماژەی بەوەشکردووە، "بەرهەمهێنانی ناوخۆیی تەنها 30 بۆ 35%ی پێداویستییەکانی بازاڕ دەگرێتەوە، ئەمەش پێویستی بە هاوردەکردن هەیە لە نێوان 55 بۆ 65% بۆ دابینکردنی کورتهێنانەکە".
خوزاعی جەختی لەوە کردەوە کە "راگرتنی هاوردەکردنی گۆشت دەبێتە هۆی دوو کێشەی گەورە: یەکەم: بەرزبوونەوەی نرخ لە بازاڕی ناوخۆدا، ئەمەش زیان بە بەکاربەران دەگەیەنێت، بەتایبەتی ئەوانەی داهاتیان سنووردارە. دووەم: ئاژەڵە ناوخۆییەکان مەترسییان لەسەر دەبێت، چونکە بەکارهێنان و سەربڕین سەرنجیان لەسەر ئەوان دەبێت".