سەرۆک وەزیران دوای کۆتایی هاتنی سەردانەکەی بۆ پراگ بەرەو ئەڵمانیا بەڕێكەوت

بەغدا -INA

محەمەد شیاع سودانی سەرۆكی ئەنجومەنی وەزیران ، بەرەو ئەڵمانیا بەڕێکەوت بۆ بەشداریکردن لە "کۆنفرانسی میونشن بۆ ئاسایش" لە خولی 61"ـەمینیدا

نوسینگەی ڕاگەیاندنی سەرۆکی ئەنجومەنی وەزیران لە راگەیندراوێكدا كە بۆ ئاژانسی هەواڵی عێراقی (INA) نێردراوە تێیدا هاتووە" محەمەد شیاع سودانی سەرۆكی ئەنجومەنی وەزیران، بەرەو ئەڵمانیا بەڕێکەوت بۆ بەشداریکردن لە "کۆنفرانسی میونشن بۆ ئاسایش" لە خولی 61"ـەمینیدا، دوای کۆتایی هاتنی سەردانەکەی بۆ پراگی پایتەختی چیک کە ئەمانەی خوارەوەی لەخۆ گرت: "ئەنجامدانی گفتوگۆی بەرفراوان لەگەڵ سەرۆک وەزیرانی چیک ، هەروەها ئەنجامدانی دیدارێک لەگەڵ سەرۆک کۆماری چیک ، هەورەها ئەنجامدانی دیدارێک لەگەڵ سەرۆکی پەرلەمانی چیک ، لە راگەیندراوەكە ئەوە "یش هاتووە كەسەرپەرشتی کردنی ڕێوڕەسمی واژۆکردنی ڕێککەوتننامەی گواستنەوەی ئاسمانی لە نێوان هەردوو دەسەڵاتی فڕۆکەوانی مەدەنی عێراق و چیک هەروەها "سەرپەرشتی کردنی واژۆکردنی 5 یاداشتنامەی لێکتێگەیشتن کە لە ئەمانەی خوارەوە پێکدێت:

● یاداشتنامەی لێکتێگەیشتن لەنێوان وەزارەتی نەوت و وەزارەتی پیشەسازی و بازرگانی چیک.

● ڕەشنووسی یاداشتنامەیەکی لێکتێگەیشتن لەنێوان هەردوو وەزارەتی ناوخۆی عێراق و چیک

● یاداشتنامەی هاوکاری لە نێوان هەردوو فیدراسیۆنی پیشەسازی عێراق و چیک.

● یاداشتنامەی هاوکاری له نێوان هەردوو فیدراسیۆنی ژوورەکانی بازرگانی عێراق و چیک.

● بەڵێننامە لەگەڵ وەزارەتی ژینگەی عێراق.

■ ئامادەبوون لە کۆبوونەوەی ژووری بازرگانی و فیدراسیۆنەکانی پیشەسازی لە عێراق و کۆماری چیک.

■ دیدار لەگەڵ ڕەوەندی عێراقی لە کۆماری چیک.

■ پێشوازیکردن لە نوێنەری کۆمپانیای (ئایرۆ ڤۆدۆچۆدی) کە کۆمپانیایەکی تایبەتە بە دروستکردنی فڕۆکە.

■ پێشوازیکردن لە نوێنەری کۆمپانیای (یونیس)، کە تایبەتمەندە بە پیشەسازی نەوت و گاز و پترۆکیمیایی".