ئاسایشی پەرلەمان: کاردەکەین بۆ دەرکردنی یاساکانی بەرگری شارستانی و ناوخۆ و خانەنشینی سەربازی

بەغدا - - INA ویسام مه‌لا

ئەمڕۆ پێنجشەممە، لیژنەی ئاسایش و بەرگری پەرلەمان ژمارەی ئەو یاسایانەی ژمارد کە تا ئێستا دەنگیان لەسەر دراوە، هاوکات ئاماژە بەوە دەکات کە کارەکان بەردەوامن بۆ دەرکردنی یاساکانی بەرگری شارستانی و ناوخۆ و خانەنشینی سەربازی لە خولی یاسادانانی ئێستادا.

سەرۆکی ئاسایش و بەرگری ، کەریم عەلیوی محەممەداوی، بە ئاژانسی هەواڵی عێراقی INA) ) ڕاگەیاند: "لیژنەکە یاسای هەواڵگری پەسەند کرد کە بۆ ماوەی 10 ساڵ ڕاگیرابوو"، ئاماژەیە بۆ ئەوەی "ئەم یاسایە یەکێکە لە یاسا زۆر گرنگەکان و پەسەندکردنی دەستکەوتێکە بۆ پەرلەمان و حکومەت".

ئاماژەی بەوەشکرد، "حکومەت یاسای حه‌شدی شه‌عبی کشاندەوە، کە خوێندنەوەی یەکەم و دووەمی بۆ كرا و خەریک بوو دەنگی لەسەر بدرێت، بەهۆی بوونی چه‌ندین سەرنجەکانی ده‌سته‌ی حه‌شدی شه‌عبیه‌وه‌"، ئاماژەی بەوەشکرد، "داوامان لە حکومەت کرد ئەو یاسایە بگەڕێنێتەوە بۆ ئەوەی دەنگی لەسەر بدات، بەو پێیەی پێویست و گرنگە و دادپەروەری لەگەڵ ڕۆڵەکانی حه‌شدی شه‌عبی دەکات".

وتیشی، "لیژنەکە دەنگی لەسەر یاساکانی ئاسایشی نیشتمانی و پاسپۆرت داوە"، ئاماژەی بەوەشکرد، "لیژنەکە یاساکانی بەرگری شارستانی و وەزارەتی ناوخۆ و خانەنشینی سەربازیی هەیە، هیوادارین لە خولی یاسادانانی ئێستادا دەریانبکەین".