
بەغداد - INA
ئەمڕۆ چوارشەممە، سەرۆكی ئەنجومەنی وەزیران محەمەد شیاع سودانی، لەگەڵ ئەمینداری گشتی بزوتنەوەی هێڵی نیشتمانی عەزیز روبەیعی، سەبارەت بە بەرزكردنەوەی ئاسایشی وڵات و پێشكەوتنی حكومەت لەگەڵ پلانەكانی گەشەپێدان گفتوگۆی كرد.
نوسینگەی ڕاگەیاندنی سەرۆك وەزیران لە بەیاننامەیەكدا كە بۆ ئاژانسی هەواڵی عێراقی ناردووە، دەڵێت: سەرۆكی ئەنجومەنی وەزیران محەمەد شیاع سودانی، ئەمڕۆ پێشوازیكرد لە ئەمینداری گشتی بزوتنەوەی هێڵی نیشتمانی عەزیز روبەیعی، و لە میانەی كۆبوونەوەكەدا، گفتووگۆكرا لەبارەی دۆخی گشتی لەسەر ئاستی نیشتمانی و پێشهاتە سیاسی و ئابوورییەكان و پێشكەوتنی جێبەجێكردنی بەرنامەی حكومەت بەپێی ئامانجەكانی.
ئاماژەی بەوەشكرد: كۆبوونەوەكە شایەتحاڵی گفتوگۆكردن بوو لەسەر بابەتەكانی بەرزكردنەوەی ئاسایش و سەقامگیری لە سەرتاسەری وڵات، و پاڵپشتی هێزە نیشتیمانییەكان بۆ دەزگا جێبەجێكارەكان، بەمەبەستی گەیشتن بە خواستەكانی هاوڵاتیان، و بەردەوامبوون لە پلانەكانی گەشەپێدانی حكومەت و تەواوكردنی ژێرخانی و پڕۆژە ستراتیژییەكان.