وەزیری کارەبا: 40%ی پڕۆژەکانی وزەی خۆر تەواو بوون

بەغدا - INA

ئەمڕۆ سێشەممە، زیاد عەلی فازل، وەزیری کارەبا ڕایگەیاند، ڕێژەی تەواوبوونی پڕۆژەکانی وزەی خۆر کە پێشتر دەستیانپێکردبوو بۆ 40% بەرزبووەتەوە، هاوکات بەردەوامبوونی کارەکانی بۆ بەرزکردنەوەی کارایی یەکەکان و زیادکردنی وزەی بەرهەمهێنراو دووپاتکردەوە بۆ تۆڕی نیشتمانی بە گشتی.

وەزیری کارەبا بە ئاژانسی هەواڵی عێراقی (INA)ی ڕاگەیاند: "وەزارەتی کارەبا کار بۆ پەرەپێدانی هەر سێ کەرتەکە لەسەر ئاستی بەرهەمهێنان و گواستنەوە و دابەشکردن بە هاوتەریب" ویتشی، "کارەکانیش بەردەوامن بۆ بەرزکردنەوەی کارایی و کاراییەکانی یەکەکانی بەرهەمهێنان، زیادکردنی زیاتری بەرهەمهێنانی وزەی نوێ، و فراوانکردنی هێڵەکانی گواستنەوە و وێستگەکانی گواستنەوە و دابەشکردن".

ئاماژەی بەوەشکرد، "وەزارەت پلانێکی بەگوێرەی دیدگای حکومەت لە چەند قۆناغێکدا ئامادەکردووە، لەوانە زیادکردنی هەزار و 750 مێگاوات وزەی خۆر (پاک) وەک بەرهەمهێنان بۆ تۆڕی نیشتمانی، هەروەها 40%ی پڕۆژەکانی تەواو بووە".

وەزیری کارەبا ڕوونیشیکردەوە، "دوای تەواوکردنی پلانەکە بەپێی دیدگای داهاتوو، ڕێژەی بەرهەمهێنانی بەرز دەبێت کە باری چاوەڕوانکراو بۆ ساڵانی داهاتوو دەگرێتەوە"، ڕوونیشیکردەوە "پێویستی ڕاستەقینە بۆ ساڵی ڕابردوو 48 هەزار مێگاوات بووە، لەکاتێکدا ئەو ڕێژەی بەرهەمهێنانی ئەمساڵ ٢٧ هەزار مێگاواتە".

پێشتر وەزیری کارەبا دەستپێکردنی پڕۆژەی وزەی خۆری لە پارێزگاکانی کەربەلا و موسه‌نا و بەسرە بە توانای هەزار و 750 مێگاوات پشتڕاست کردبووەوە.