ئاژانسی هەواڵگریی تیرۆریستانی مەترسیدار لە وڵاتێكی دراوسێیەوە ڕادەكێشێت

بەغدا -  INA

ئەمڕۆ یەكشەممە شانەی ڕاگەیاندنی ئاسایش ڕایگەیاند كە ئاژانسی هەواڵگری توانیویەتی دوو تیرۆریستی مەترسیدار لە وڵاتێكی دراوسێیەوە ڕابكێشێت.

شانەكە لە ڕاگەیەندراوێكدا كە بە ئاژانسی هەواڵی عێراقی (INA) گەیشتووە و ڕایگەیاندووە : بە پشتبەستن بە زانیارییە هەواڵگرییە دروستەكان، دەزگای هەواڵگری و لێكۆڵینەوەی فیدراڵی لە وەزارەتی ناوخۆ و لەگەڵ ئۆپەراسیۆنێكی ئەمنی كە چەند ڕۆژێكی خایاند دوو تیرۆریستیان دەستگیركردووە دوای ئەوەی ئەوان لە یەكێك لە وڵاتانی دراوسێی پارێزگای نەینەوا ڕاكێشران، یەكێكیان بە قەناس بەدەست و ئەوی دیكەیان لە كاتی ئۆپەراسیۆنەكانی ڕزگاركردندا لە چەكداركردن و تەڵە و تەقەمەنی كاردەكات.

ئاماژەی بەوەشكرد :رێوشوێنی یاسایی پێویست بەرامبەریان گیراوەتەبەر، هەروەها ڕەوانەی دەسەڵاتی دادوەری كراون بۆ ئەوەی سزای دادپەروەرانەیان وەربگرن.