ڕاوێژكاری سەرۆك وەزیران: ڕێگای گەشەپێدان بەرەو ڕۆما دەڕوات

ڕاوێژكاری ڕاگەیاندنی سەرۆك وەزیران زیا ناسری، ئەمڕۆ هەینی، تەئكیدیكردەوە كە ڕێگای گەشەپێدان بەرەو ڕۆما دەڕوات.

ناسری لە تویتێكدا كە ئاژانسی هەواڵی عێراقی بەدواداچوونی بۆ كردووە، ڕایگەیاند: رێگای گەشەپێدان بەرەو ڕۆمای پایتەختی ئیتاڵیا دەڕوات.

پێشتر باسم عەوادی وتەبێژی حكومەت ڕایگەیاندبوو: بەغدای پایتەخت، ڕۆژی شەممە میوانداری كۆنفرانسی وەزیرانی گواستنەوەی وڵاتانی دراوسێ و ئەنجومەنی هاریكاری كەنداو دەكات.

لە بەیاننامەیەكی نووسینگەی ڕاگەیاندنی سەرۆك وەزیران كە بۆ ئاژانسی هەواڵی عێراقی نێردراوە، عەوادی رایگەیاند: بەپێی بەرنامەی حكومی كە تیایدا جەخت دەكرێتەوە سەر لایەنی چاكسازی ئابووری و خێراكرنی پڕۆژە ستڕاتیژیەكان، ڕۆژی شەممەی داهاتوو كۆنگرەیەك دەبەسترێت و وەزیرانی گواستنەوەی وڵاتانی دراوسێ و وڵاتانی كەنداو تیایدا بەشدار دەبن ، بەمەبەستی گفتوگۆكردن لەسەر پڕۆژەی ڕێگای گەشەی ستڕاتیژی كەناڵی وشك كە ڕێگایەكی گرنگ و زیندووی جیهان و دەڤەرەكەیە.