بەڕێوەبەرایەتی هەواڵگری و ئاسایش 3 بازرگانی مادەی هۆشبەر لەبەغدا دەستگیردەكات

ئەمنی

23-03-2023, 17:26

بەغداد - INA

بەڕێوەبەرایەتی هەواڵگری و ئاسایش لە وەزارەتی بەرگری ئەمڕۆ پێنجشەممە، دەستگیركردنی 3 بازرگانی مادەی هۆشبەری لەبەغدا ڕاگەیاند.

بەپێی بەیاننامەیەكی بەڕێوبەرایەتییەكە، كە بۆ ئاژانسی هەواڵی عێراقی ناردووە، دەڵێت: لەڕێگەی بەدواداچوونی وردی دۆسیەی بازرگانانی ماددە هۆشبەرەكان و بە دوو ئەركی جیا، مەفرەزەكانی بەڕێوەبەرایەتی هەواڵگری و ئاسایشی بەغدای سەر بە بەڕێوبەرایەتی گشتی هەواڵگری و ئاسایش بە هاوكاری فیرقەی یەكەمی پۆلیسی فیدراڵی لە ناوچەی كەرادەی بەغدا (3) بازرگانی مادەی هۆشبەریان دەستگیركرد.

بەڕێوبەرایەتییەكە ئاشكراشیكرد: بەپێی حوكمی مادەی (28)، مادەی هۆشبەر لە یاسای سزاكان، فەرمانی دادوەریی لەسەر دەرچووە و دەستبەسەر ماددەی هۆشبەری جۆراوجۆری دەستگیركراواندا گیراوەو تۆمەتبارانیش رادەستی لایەنی تایبەتمەند كراون.