سەرۆك وەزیران: ڕێگە نادەین هیچ لایەنێكی سیاسی دەست لەكارەكانی وەزارەتی كشتوكاڵ وەربدات

نوسینگەی ڕاگەیاندنی سەرۆك وەزیران لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: بەیانی ئەمڕۆ چوار شەممە، محەمەد شیاع سودانی سەردانی بارەگای وەزارەتی كشتوكاڵی كرد و كۆبوونەوەیەكی لەگەڵ بەرپرسانی وەزارەت سازكرد.

 لەم كۆبوونەوەیەدا سەرۆك وەزیران پێداچوونەوەی بەپلانی كشتوكاڵی و ئاستی دابینكردنی پێداویستیەكان بۆ جێبەجێكردنی كرد، هەروەها جەختی لەپێگەی گرنگی كەرتی كشتوكاڵی كردەوە لەناو بەرنامەی حكومەتدا كەبەشێوەیەكی داناوە كەببێتە پلانێكی تەواوكار و لەسەر واقیع جێبەجێ بكرێت، وتیشی: دەبێت كاركردن لەوەزارەت بەپێی پلانێكی تەواو و روون بێت.

سەرۆك وەزیران ئاماژەی بۆ ئەوەشكرد: سەردانمان ئەمڕۆ بۆ وەزارەتی كشتوكاڵ بەمەبەستی جەختكردنەوەیە لەسەر رێبازی حكومەت و بەرنامە جێبەجێكاریەكەی، چونكە ئەم كەرتە گرنگی خۆی هەیە لە ئەنجامدانی چاكسازی لەواقیعی ئابووری عیراق. 

وتیشی: گرنگە ئاراستەكانی كاركردنی وەزارەت بەپێی یاسا دیاری بكەین، لەوانە ئاراستەی رێنمایی و توێژینەوە و خزمەگوزاریەكان و ئاستی جێبەجێكردنیان. 

هەوەروەها ئاماژە بەبوونی ڵاوازی هەماهەنگی لەنێوان وەزارەتی كشتوكاڵ و وەزارەتەكانی دیكە دا، و دەبێت تەواوكاری لەنێوان پیشەسازی و كشتوكاڵ هەبێت. 

رونیشیكردەوە: دەبێ پلانی كشتوكاڵی كەئەنجوومەنی وەزیران بریاری لەسەرداوە بۆ وەرزی زستانی 2022 - 2023 بەهەموو لایەنەكانیەوە جێبەجێ بكرێت، چونكە گرنگی خۆی هەیە لەبواری ئاسایشی خۆراك، و وتیشی: لەوەرزی كشتوكاڵی داهاتوودا، هیچ پشتگیریەك بۆ هیچ جووتیارێك نابێت ئەگەر تەكنیكی كشتوكاڵی هاوچەرخ و رێگاكانی ئاودانی هاوچەرخ بەكاری نەهێنێت، ئەمەش بەشێكە لەسیاسەتی چاكسازی كەرتی كشتوكاڵی. 

 سەرۆك وەزیران راشیگەیاند: حكومەت لەپرۆژە یاسایی بودجەی 2023 دا، شایستە داراییەكانی جووتیاران بۆ وەرزی زستانی 2022-2023 داناوە، و لەماوەی كەمتر لەدوو هەفتەدا خەرجدەكرێن، و وتیشی: پێكهێنانی لیژنەیەكی دووقۆڵی لەگەڵ زەویەكانی دەوڵەت بۆ نەهێشتنی كۆسپ و تەگەرەكانی ‌پێش كاری وەبەرهێنەران و كۆمپانیای كەنەدی بۆ بەرهەمهێنانی ڤاكسینەكان، لەپێناوی دابینكردنی پێداویستیەكانی پرۆژەكانی سامانی ئاژەڵی.

دووپاتیشیكردەوە: دەبێت بایەخ دان بەوەبەرهێنەر و وەبەرهێنانی كشتوكاڵی بدرێت و چاودێری وەبەرهێنەرانی راستەقینە بكرێت و بەپێی ئامانجی وەزارەت راسپاردە بكرێن، وتیشی: كاردەكەین لەپێناو تەواوكردنی پرۆژەی گوندی هاوچەرخ، وەرگرتنی بێ كاران لە دەرچووانی كۆلیژەكانی كشتوكاڵی و سامانی ئاژەڵ و پەیمانگا و ئامادەیە كشتوكاڵیەكان، و دەرگا كردنەوە بەروویی تایبەتمەندییەكانی تر بەهۆی گرنگیان لەدۆزینەوەی دەرفەتی كار. 

هەروەك سەرۆك وەزیران ئاشكرایكرد: چۆن كەكاردەكەین بۆ پاراستنی بەرهەمەكان بەهەمان شێوە كار دەكەین بۆ پاراستنی كڕیار، ئەوەی كەگرنگە دوورخستنەوەی هاوردەكراوەكانە لەگەندەڵی و دابینكردنی پێداویستی هاوڵاتیانە لەبەرهەمەكانی سامانی ئاژەڵ، و وتیشی: كاردەكەین بۆ هەڵسەنگاندنی كاری وەزارەت و لێپێچینەوە لەكەمترخەمەكان و ئەوانەی خۆیان لەئەرك و كارەكان دەدۆزنەوە، و رێگە بەهیچ لایەنێكی سیاسی نادەین دەستوەردان لەكاروباری وەزارەتبكات، كشتوكاڵ كەرتێكی گرنگ و بەردەوامە و ئامادەیە ببێتە هۆكاری دروستكردنی گەشەسەندنێكی راستەقینە.