شانەی ڕاگەیاندنی ئەمنی كوژرانی 5 تیرۆریست لە هێرشە ئاسمانیەكەی توزخورماتوو ڕادەگەیەنێت

بەغداد - INA

ئەمڕۆ یەكشەممە شانەی ڕاگەیاندنی ئەمنی ڕایگەیاند كە لە هێرشێكی ئاسمانیدا لە قەزای توزخورماتوو 5 تیرۆریست كوژراون.

شانەكە لە ڕاگەیەندراوێكدا كە بۆ ئاژانسی هەواڵی عێراقی (INA) ناردووە و ڕایگەیاندووە : دوای بڵاوبوونەوەی هەواڵی ئەو هێرشە ئاسمانییەی كە دوێنێ لە كەرتی باكووری ڕۆژهەڵاتی دووز ئەنجامدرا، كە هاوتایە لەگەڵ 21ی 1كانونی دووەم، هێزە تایبەتەكان بە پاڵپشتی و پلاندانان لەلایەن هێزە تایبەتەكانی فەرماندەیی ئۆپەراسیۆنە هاوبەشەكان و بارەگای كۆنترۆڵكردن لە توزخورماتۆ، دەستیان كرد بە پشكنینی شوێنی لێدانەئاسمانیەكە.

ئەوەشی خستۆتەڕوو : پێنج تەرمی تیرۆریستانی دۆزیوەتەوە، كە دووانیان ناسێنراون و ئەوانی دیكەش ئەندامەكانی جەستەی پەرشوبڵاو بوون و كۆگاكانی چەك و تەقەمەنی دۆزراونەتەوە لەگەڵ كەرەستەی لۆجستیكیش دۆزراونەتەوە، هەروەها هێزە ئەمنییەكان تا ئێستاش بەردەوامن لە گەڕان و پشكنینەكانیان لە شوێنی ئامانجدراو.