پارێزگاری بانكی ناوەندی ئەو ئاڵنگارییانەی كە ڕووبەڕووی دەسەڵاتی دراوی دەبێتەوە روندەكاتەوە

بانكی ناوەندی لە بەیاننامەیەكدا كە دەست ئاژانسی هەواڵی عێراقی كەوتووە، دەڵێت: پارێزگاری بانكی ناوەندی مستەفا غالب مخیب لەگەڵ ژمارەیەك گەنج كۆبووەوە كە داوای كۆنتڕۆڵكردنی ڕێژەی ئاڵوگۆری دۆلار دەكەن.

لە بەیاننامەكەدا هاتووە: مستەفا غالب ئەو ڕێوشوێنانەی ڕوونكردەوە كە لەلایەن بانكی ناوەندییەوە گیراون لە خستنەڕووی میكانیزمەكانی دارایی بازرگانی بیانی و پەرەپێدانی پلاتفۆرمی ئەلیكترۆنی بۆ گواستنەوەی دارایی بۆ ئەو مەبەستانە و ڕاستكردنەوەی ڕێڕەوی كاری دارایی و بازرگانی، هەروەها ڕێكارەكانی بانكی ناوەندی خستەروو لە گەیاندنی دراوی بیانی بۆ ئەو كەسانەی كە دەیانەوێت گەشت بكەن.

ئاماژەی بەوەشدا: مخیف باسی لە چارەسەركردنی ئەو تەحەدایەی كە ڕووبەڕووی دەسەڵاتی دراوی و ئەو ڕێوشوێنانەی كە بۆ كاراكردنی سەرپەرشتیكردنی كەرتی بانكی نراوە كرد.

لە بەیاننامەكەدا هاتووە: میوانەكان تێگەیشتنیان لەو ڕێوشوێنانە نیشاندا و پشتگیریان لە گرنگی رێكخستنی بازرگانی و خۆدزینەوە لە بەڵگەنامە نادروستەكان كرد.