هێزەکانی پێشمەرگە ئۆپەراسیۆنێکی پشکنین ئەنجام دەدەن

هەوڵێر / INA

ئەمڕۆ هەینی، لەژێر چاودێری فەرماندەی لیوای ١٧ و بەشی حەرەکاتی لیوای ١٧ی پیادە، لە سریەی کۆماندۆی بارەگای لیوا و سریەی ١ی فەوجی٣ لە هێزەکانی پێشمەرگە، ئۆپەراسیۆنێکی پشکنین بۆ ناوچەکانی قۆری چای و کانی شیرینکە لە سنوری غەڕە ئەنجام دا.

 لە راگەیاندراوێکی وەزارەتی پێشمەرگەدا کە بۆ ئاژانسی هەواڵی عێراقی (INA)هاتوە ، تیایدا ئەوە خراوەتە روو " ئۆپەراسیۆنەکە لە کاتژمێر ٦ی بەیانی دەستی پێکرد و تا کاتژمێر ١٠ی بەیانی بەردەوام بوو، تەواوی ئەو ناوچانە پشنکنی تێدا کراوە ، کە دەکەوێتە سنوری پلانی دیاری کراو.

راگەیەندراوەکەی وەزارەتی پێشمەرگە ئاماژەی بەوەشداوە " کە ئامانج لە ئۆپەراسیۆنەکە گەڕان و پشکنین بوو لەو ناوچانانەی، کە گومان دەکرا پاشماوەکانی داعشی لێبێت، کە بۆ مەستی سەقامگیرتر کردنی ئەمن و ئاسایشی ناوچەکە و نەهێشتنی ترس و دڵەڕاوکێی دانیشتوانی ناوچەکەیە.