وەزارەتی کۆچ ڕایدەگەیەنێت کە کەلوپەلی یەدەگ بۆ کەمپەکان دابینکراوە بۆ ڕووبەڕووبوونەوەی بارانبارینی بەخوڕ
ناوخۆ
- 28-11-2022, 18:03
بەغداد/INA
ئەمڕۆ دووشەممە، وەزارەتی کۆچ و کۆچبەران رایگەیاند " کە دۆخی کەمپی ئاوارەکان لەژێر کۆنترۆڵدایە و هیچ زیانێکی لە ئەنجامی باران بارینەکەوە لێ نەکەوتۆتەوە ،روونیشیدەکاتەوە کە ئاوارەکان پێداویستی یەدەگیان بۆ دەستەبەر کراوە بۆ ڕووبەڕووبوونەوەی بارانبارینی بەخوڕ .
لەوبارەیەوە "عەلی عەباس جەهانگیر" وتەبێژی وەزارەت، بە ئاژانسی هەواڵی عێراقی (INA)ی ڕاگەیاند"بەهۆی باران بارینەوە هیچ زیانێک بە کەمپی ئاوارەکان نەگەیشتوە.
جەختیشیکردەوە "دۆخەکە لە ژێر کۆنتڕۆڵدایە.
جەهانگیر ئاماژەی بەوەشکرد"خێوەت و سووتەمەنی دەستەبەرکراون و بەسەر کەمپەکاندا دابەشکراوە، هەروەها وەک خۆپارێزییەک چادری دیکەش دابینکراون.
راشیگەیاند کە "دۆخەکە لە هەموو کەمپەکان باشە، هیچکام لە کەمپی ئاوارەکان زیانیان بەرنەکەوتووە.
وتیشی "وەزارەت پەیوەندی ڕاستەوخۆی لەگەڵ هەموو کەمپەکان هەیە و تا ئێستا لە ژێر کۆنتڕۆڵدایە.
