بەهۆی ئاگرکەوتنەوەی پاسێک لە هیندستان 11 کەس گیانیان لەدەستدا
جیهانی
- 8-10-2022, 14:06
بەدواداچون/INA
به‌رپرسێكی هیندستان رایگه‌یاند كه به‌ره‌به‌یانی ئه‌مڕۆ شه‌ممه ، له‌سه‌ر رێگایه‌كی خێرای رۆژئاوای هیندستان پێكدادان لە نێوان بارهه‌ڵگرێك و پاسێك روویداو لە ئەنجامدا 11 كه‌س گیانیان له‌ده‌ستدا.
"ئیکناس شیندی " بەرپرسی باڵای هەڵبژێردراوی ویلایەتەکە رایگەیاند" لەئەنجامی ھەمان رووداو 24 کەسی دیکەش برینداربوون و گواستراونەتەوە بۆ نەخۆشخانەیەکی شاری "ناشیک" کە یەکێکە لە شارەکانی ویلایەتی "ماهاراشترا"
ئەو بەرپرسە ڕوونیشی كردەوە،کە لەکاتی پێکدادانەکە زۆربەی سەرنشینەكان خەوتبوون، كاتێك پاسەكە لە دەوروبەری كاتژمێر پێنجی بەیانی ئاگری گرتووە، و تەواوی ئۆتۆمبێلەكەش سوتاوە.
