كازمی داوا له‌هه‌موو وه‌زاره‌ته‌كان ده‌كات پاڵپشتی كه‌ربلاو نه‌جه‌فی پیرۆز بكه‌ن

به‌غداـ  INA 

 هه‌روه‌ها وتی" كازمی جه‌ختی كردووه‌ كه‌ هه‌موو وه‌زاره‌ته‌كان و دام و ده‌زگانی ئیتیحادی راسپاردووه‌ بۆ پێشكێشكردنی هاوكاری و پاڵپشتی بۆ پارێزگای كه‌ربه‌لایی پیرۆز به‌مه‌به‌ستی خزمه‌تگردنی سه‌ردانیكه‌رانی عاشۆرا له‌م یاده‌دا. 

 له‌لایه‌ن خۆیه‌وه‌ پارێزگای كه‌ربه‌لا سوپاس وپێزانینی خۆی ئاراسته‌ی سه‌رۆك وه‌وزیرانی كردووه‌ بۆ ئه‌م پاڵپشتیه‌ و سڵاوی وڕێزی خۆشی بۆ هه‌موو خزمه‌تكارانی عه‌ته‌به‌ی پیرۆزی و هێزه‌ ئه‌منییه‌كان پێش كێش كردووه‌ و دووپاتیكردۆته‌وه‌ كه‌ هه‌موو پلانه‌كان به‌شێوه‌یه‌كی باش به‌رێوه‌ده‌چن. 

 هه‌ر له‌م چوارچێوه‌یه‌دا نووسینگه‌ی راگه‌یاندنی پارێزگای نه‌جه‌فی پیرۆز راگه‌یاند كه‌ كازمی په‌یوه‌ندییه‌كی ته‌له‌فۆنی له‌گه‌ڵ پارێزگار ماجد وائیلی ئه‌نجامداوه‌ و باسی له‌چۆنیه‌تی به‌رێوه‌چوونی پلانی ئه‌منی و خزمتگوزاری له‌م پارێزگایه كردووه‌ له‌رۆژانی عاشۆرادا و سه‌ره‌خۆشی خۆشی پێش كێش به‌مه‌رجعه‌ مه‌زنه‌كان و خه‌ڵكی پارێزگای نه‌جه‌فی پیرۆز كردووه‌ به‌بۆنه‌ی ئه‌م یاده‌ زامناكه‌. 

 هه‌روه‌ها كازمی پرسه‌ و سه‌ره‌خۆشی خۆشی ئاراسته‌ی ماڵباتی كارمه‌ندی به‌رگری شارستانی له‌پارێزگای نه‌حه‌فی پیرۆز كردووه‌ كه‌ ئه‌مڕۆ به‌یانی له‌كاتی ئه‌داكردنی ئه‌ركه‌كه‌یدا گیانی خۆی له‌ده‌ستداوه‌ و وتووه‌ ئه‌مه‌ به‌ره‌سمی به‌شه‌هید هه‌ژمار ده‌كرێت، كازمی پرسی كات ژمێره‌كانی كاره‌بای كردووه‌ و داوای كردووه‌ به‌زووترین كات كێشه‌كانی كاره‌با چاره‌سه‌ر بكرێن و ره‌وشی پارێزگای نه‌جه‌فی پیرۆز له‌به‌رچاو بگیرێت.