ئەنجومەنی فەقھی عێراق داوای دانبەخۆداگرتن و رێزگرتن لە ئیرادەی گەڵ دەکات

ئەمڕۆ دووشەممە، ئەنجومەنی فیقهی باڵای زانایانی عێراق بانگەواز ، بۆ رێزگرتن لە ئیرادەی گەل دەکات ، بۆ پەسەندکردنی دەستپێشخەرییە نیشتمانییەکان و دەنگی عاقڵان و هەوڵی ئیمانداران.

 لە بەیاننامەیەکدا کە گەیشتووەتە ئاژانسی هەواڵی عێراقی (INA)، ئەنجومەنەکە ئاماژەی بەوە کردووە، "بۆ هەموو لایەک شاراوە نییە کە وڵاتی خۆشەویستمان بە قۆناغێکی سەخت و بارودۆخێکی زۆر هەستیاردا تێدەپەڕێت کە بێ مەترسی نییە لەسەر داهاتووی ئەو وڵاتە ئەوەی کە عێراق پێی گەیشتووە لە ڕووی تێکچوون و دابەزین لە هەموو شتێک کە خزمەت بە خەڵک ناکات، هاوڵاتی عێراق چیتر چێژ لە ژیانێکی شایستە و ئایندەیەکی گەش نابینێت بەھۆی پشکی حزبی تەسک .

 ھەروەھا ئاماژه‌ی به‌وه‌شكرد، "گومان لەوەدا نییە كەڵەكەبوونی شكستەكان لەماوەی ساڵانی رابردوودا، ناڕەزایی بۆ تاكی عێراقی درووستكردووە، ئەم سیستمەش چیتر پێداویستییەكانی خەڵك و ئاواتەكانی نەوەكان دابین ناكات، خەڵكیش لە نادادپەروەری و بێکاری و هەژاری و و ئاژاوە و بێکاری لە ژیانی بەردەوامە، وەک چۆن دەیان هەزار کەس هێشتان دەستگیرکراوەکان و بێ سەروشوێن و ئاوارەن ، هەروەها بێکاران و پەراوێزخراوەکان و خێزانەکانیان ئازارێکی زۆر دەچێژن . 

 ھەروەک ھاتوە کە بۆیه‌ پێویسته‌ به‌رپرسیاریەتی‌ مێژووییه‌كه‌ له‌ به‌رامبه‌ر خودای مه‌زن و دواتر له‌به‌رده‌م خه‌ڵكدا هه‌ڵبگرین و له‌لایه‌ن هه‌موو لایه‌نه‌ په‌یوه‌ندیداره‌كانه‌وه‌ هه‌ڵوێستێكی مێژوویی پڕ له‌ حیكمه‌ت و خۆگرتن بگرنه‌به‌ر دوور له‌ توندوتیژی و ناكۆكی و دروستكردنی ئاژاوه‌.

 لەبەشێکی تری بەیاننامەکەدا ھاتوە لەبەر رۆشنایی ئەم دۆخە مەترسیدارەدا، ئەنجوومەنی فیقهی عێراق هۆشداری دەدات لە کاردانەوەی پەیڕەوکردنی زمانی توندوتیژی و ڕشتنی خوێنی بێتاوان، هەروەها لە قۆستنەوەی ئەم هەلومەرجە بۆ ئەوەی ببێتە هۆی فیتنە لەلایەن لایەنە توندڕەو و دزەپێکەرەکانەوە. دوور لە پرۆژە و ئەجێنداکان کە چاکەیان ناوێت بۆ ئەم گەلە سەربەرزە.

لە کۆتایی بەیاننامەکەداش ھاتوە کە خوای گەورە، عێراق و گەلەکەی بپارێزێت.