كازمی: وێستگەی کارەبای ئەنبار زیاد دەکات لە دابینکردنی سیستەمی نیشتمانی بە توانای زیاتر

بەغدا - INA

 مستەفا کازمی سەرۆکوەزیران پشتڕاستی کردەوە، ئەمڕۆ، چوارشەممە، کە وێستگەی کارەبای ئەنبار زیاد دەکات لە دابینکردنی سیستەمی نیشتمانی بە توانای زیاتر.

 نووسینگەی راگەیاندنی سەرۆکوەزیرانی عێراق لە راگەیەندراوێکدا کە گەیشتووەتە ئاژانسی هەواڵی عێراقی رایگەیاندووە، "سەرۆک وەزیران مستەفا کازمی، ئەمڕۆ، بەردی بناغەی پڕۆژەی وێستگەی کارەبای ئەنبار دانا، کە لە ناحیەی فورات لە پارێزگای ئەنبار".

 ئاماژەی بەوەشکرد، "کۆی توانای وێستگەی دانراوی ئەنبار ١٦٤٢ مێگاواتە بە تێچووی یەک ملیار دۆلار، بەو پێیەی پڕۆژەکە ماوەی ٣ ساڵ دەخایەنێت"، ئاماژەی بەوەشکردووە، "پڕۆژەکە لە چوار یەکەی غازی GT26 پێکدێت، توانای یەکەیەکەش بریتییە لە". 273 مێگاوات، و دوو یەکەی هەڵم بە توانای 275 مێگاوات".

 كازمی لە میانی دانانی بەردی بناغەدا جەختی لەوە کردەوە کە "وێستگەکە بەشداری دەکات لە دابینکردنی سیستمی کارەبا بە توانایەکی زیادە کە ئاستی بەرهەمهێنان باشتر دەکات و خزمەتگوزارییەکی باشتر پێشکەش بە هاوڵاتیانی ئەنبار دەکات".