باڵیۆزی ئەمریكا پشتیوانی وڵاتەكەی بۆ سەروەری و ئاسایشی عێراق دووپات دەكاتەوە

سیاسی
  • 21-07-2022, 20:22
  • +A -A

    بەغدا - INA  
    ئەمڕۆ پێنجشەممە ئالینا رۆمانۆڤسكی، باڵیۆزی ئەمریكا لە عێراق، دووپاتیكردەوە كە ئەمریكا لە هێرشەكەی دهۆك رەتكردەوە و جەختی لە پشتیوانیی وڵاتەكەی بۆ سەروەری و ئاسایشی عێراق كردەوە.
     نوسینگەی ڕاگەیاندنی ڕاوێژكاری ئاسایشی نیشتمانی لە بەیاننامەیەكدا كە گەیشتووەتە ئاژانسی هەواڵی عێراقی (INA) ڕایگەیاندووە : كە راوێژكاری ئاسایشی نیشتمانی قاسم ئەلئەعرەجی ئەمڕۆ پێنجشەممە لە ئۆفیسەكەی خۆی پێشوازی لە باڵیۆزی ئەمریكا لە بەغدا ئالینا ڕۆمانۆڤسكی كرد.
    لە راگەیەندراوەكەدا ئاماژە بەوەشكراوە : باڵیۆزی ئەمریكا سەرەخۆشی و هاوسۆزی خۆی پێشكەش بە قوربانیانی ئەو بۆردومانانە كرد كە شوێنێكی گەشتیاری لە قەزای زاخۆ لە پارێزگای دهۆك كردە ئامانج، ئیدانەی ئەمەریكاشی بۆ ئەم هێرشە دەربڕی.
    باڵوێزی ئەمریكا جەختی كردەوە : كە كوشتنی خەڵكی مەدەنی قبوڵكراو نییە و جەختیشی لە پاڵپشتی توندی وڵاتەكەی بۆ سەروەری و ئاسایشی عێراق كردەوە.
    لە درێژەی بەیاننامەكەدا هاتووە : هەروەها لە كۆبوونەوەكەدا شاهیدی پێداچوونەوە بە دوایین پێشهاتەكانی گۆڕەپانی ناوچەیی و نێودەوڵەتی بوو، هەروەها تاوتوێكردنی دۆسیەی كەمپی ئەلجەدعە و رێگاكانی پتەوكردنی پەیوەندیەكانی هاریكاریی نێوان بەغدا و واشنتۆن لە هەموو ئاستەكاندا.