وه‌زاره‌تی بازرگانی عێراق" نزیكه‌ی ملیون تۆن گه‌نم له‌جووتیاران وه‌رگیراوه‌

ئابوری
  • 19-05-2022, 11:13
  • +A -A

    به‌غداـ INA

    وه‌زاره‌تی بازرگانی عێراق دوێنێ راگه‌یاند رێژه‌ی وه‌رگرتنی گه‌نمی جووتیاران نزیك ده‌بێته‌وه‌ له‌یه‌ك ملیون تۆن له‌وه‌رزی به‌رهه‌می ئه‌م ساڵدا كه‌ سه‌ركه‌وتنێكی گه‌وره‌ به‌ده‌ست ده‌هێنێت. 

     به‌رێوبه‌ری گشتی كۆمپانیای بازرگانی دانه‌وێله‌ محه‌مه‌د حه‌نوون له‌لێدوانێكیدا كه‌ ئاژانسی هه‌واڵی عێراقی وه‌ریگرتووه‌ راگه‌یاند" كۆیی به‌رهه‌می گه‌نمی جووتیاران بۆ وه‌رزی ئه‌مساڵ له‌ته‌واوی پارێزگاكانی عێراق تا ئه‌مڕۆ گه‌یشتۆته‌ 924 هه‌زار تۆن كه‌نزیكه‌ له‌یه‌ك ملیون. 

     هه‌روه‌ها وتی" رێژه‌ی وه‌رگرتنی  گه‌نم له‌پارێزگاكانی عێراق تا ئه‌مڕۆ به‌م شێوه‌یه‌ بووه‌: 

    به‌غدا 2079 تۆن

    سه‌ڵاحه‌ددین 9048 تۆن

    ئه‌نبار 4628 تۆن 

     میسان 2038

    موسه‌نا 1051 تۆن 

    زیقاڕ 1236 تۆن

    دیوانیه‌ 5235 تۆن 

      واست 10559 تۆن

    بابل 5000 تۆن 

     نه‌جه‌ف 5483 تۆن

    به‌سرا 12 تۆن 

    دیالا 1764 تۆن 

     كه‌ركووك 4376 تۆن


    هه‌روه‌ها حه‌نوون ئه‌وه‌شی خسته‌روو كه‌ ئه‌مڕۆ 52515 تۆن وه‌رگیراوه‌ و رێژه‌ی وه‌رگیراوی ئه‌م وه‌رزه‌ تائێستا 924656 تۆن بووه‌، وتی" وه‌رزی وه‌رگرتنی گه‌نم تائێستا سه‌ركه‌وتنێكی گه‌وره‌ی به‌ده‌ست هێناوه‌ و زۆرێك له‌ئاسانكاری بۆ جووتیاران پێش كێش كراوه‌ به‌مه‌به‌ستی گه‌یاندنی به‌رهه‌می گه‌نمه‌كانیان به‌ شوێنی مه‌به‌ست به‌بێ هیچ كێشه‌یه‌ك.

     به‌رێوبه‌ری كۆمپانیای گشتی بازرگانی راگه‌یاند" بڕیاری ئه‌نجوومه‌نی وه‌زیرانی ئه‌م دواییه‌ سه‌باره‌ت به‌زیادكردنی نرخی گه‌نم بۆ 850 هه‌زار دینار بووه‌ هۆی زیاتر هاندانی جووتیاران بۆ هێنانی گه‌نمه‌كانیان له‌م ساڵدا و كاریگه‌ریه‌كی ئه‌رێنیشی ده‌بێت له‌سه‌ر سه‌ركه‌وتنی وه‌رزی وه‌رگرتنی گه‌نم بۆ ئه‌م ساڵه‌.

     جیگای ئاماژه‌ پێكردنه‌ كۆمپانیای بازرگانی دانه‌وێله‌ پێشتر راگه‌یاندووه‌ كه‌ بازاری وه‌رگرتنی گه‌نم وبه‌رهه‌می بۆ ئه‌م ساڵ له‌وانه‌یه‌ بگاته‌ یه‌ك ملیون و نیو تۆن و پێویستیه‌كی زۆریش به‌عه‌مباركردنێكی ستراتیژی هه‌یه‌ بۆ ساڵی داهاتوو له‌چوار چێوه‌ی ئه‌و خه‌رجیانه‌ی كه‌ وه‌زاره‌تی دارایی له‌دوایی بڕیاری دادگای ئتیحادی ته‌رخان ده‌كات.