لە شارێكی ئەمریكا بەهۆی تەقەكردن 6 کەس کوژران و 9 کەسيش برینداربوون

جیهانی

3-04-2022, 22:09

بەدواداچوون ـ INA

لە ئەنجامی روداوێكی تەقەکردنێکدا بەرەبەیانی ڕۆژی یەکشەممە لە شاری ساکرامینتۆ لە ولایەتی کالیفۆرنیای ئەمریكا بەلانی‌کەمەوە 6 کەس کوژراون و 9 کەسيش برینداربوون.
تەقەکردنەکە نزیکەی کاتژمێر ٢ی بەرەبەیانی ڕۆژی یەکشەممە لە نزیک سەنتەری گۆڵدن یەك ڕوویداوە، کە مەیدانی یاری تیمی باسکەی ساکرامێنتۆ کینگزە، و کۆنسێرتە سەرەکیەکانی تییدا بەڕێوە دەچێت.
بەرێوەبەرایەتی پۆلیسی شارەكە رایگەیاند: بەهۆی لێکۆڵینەوە چەند کۆمەڵگەیەکی نیشتەجێبوون لە ناوچەی بازرگانی لە ناوەڕاستی شارەکەدا داخراون .
لە گرتە ڤیدێۆیەکدا کە لەسەر ئینتەرنێت بڵاوکرایەوە دەریدەخات، کەسانێک هاوار دەکەن و لە شەقامەكاندا ڕادەکەن، بەڵام ئاژانسی هەواڵی ڕۆیتەرز بڵاویكردەوە: نەتوانراوە بەشێوەیەکی سەربەخۆ ئەو گرتە ڤیدێۆیە پشتڕاستبکرێتەوە.

سەرچاوە؛ ئاژانسی رۆیتەرز، VOA