وه‌زاره‌تى كۆچ ئاماری خێزانه گه‌ڕاوه‌كان وئه‌وانه‌ى له‌كه‌مپه‌كان ماون ده‌خاته‌ڕوو

به‌غدا-اه‌ع   
وەزارەتی کۆچ و کۆچبەران رایگەیاند کە تا ئێستا ٦٠٠ ھەزار خێزانی ئاوارە گەڕاونەتەوە زێدی خۆیان.
عەباس جیھانگیر وتەبێژی وەزارەتی کۆچ و کۆچبەران، به‌ئاژانسى هه‌واڵى عێراقی(اه‌ع)ڕایگه‌یاند لەئێستادا، ٣٧ ھەزار خێزانی ئاوارە ماوەن بگەڕێنەوە زێدی خۆیان و وتی: "ئەو ٣٧ ھەزار خێزانە ئاوارەیە لە کەمپەکانی ھەرێمی کوردستاندا، نیشتەجێن".
وتیشی: "زۆربەی ئاوارەکانی قەزای شنگال و ناوچەکانی دەورووبەری لە کەمپەکانی ھەرێمی کوردستاندا نیشتەجێن".
جیھانگیر ئاشکراشیکردووە کە بەپێی ئەوەی لای وەزارەتی کۆچ و کۆچبەران تۆمارکراوە، تا ئێستا ٦٠٠ ھەزار خێزانی ئاوارە گەڕاونەتەوە زێدی خۆیان.
وتەبێژی وەزارەتی کۆچ و کۆچبەرانی عێراق، عەلی عەباس جیھانگیر راشیگەیاند کە دەرگای گەڕانەوە لە بەردەم خێزانە ئاوارەکان بۆ زێدی خۆیان کراوەیە و وتی: "گەڕانەوەی خێزانە ئاوارەکان بۆ زێدی خۆیان پەیوەستە بە ژمارەیەک ھۆکار لەوانە خواستی خێزانە ئاوارەکان لەوەی دەیانەوێت بگەڕێنەوە زێدی خۆیان یان دەیانەوێت لە کەمپەکاندا بمێننەوە".