کۆمەڵەی دادوەرانی ژنان 4 ڕاسپاردە لەسەر هەموارکردنەوەی یاسای باری کەسێتی پێشكه‌ش ده‌كات
ناوخۆ
- 29-07-2021, 14:54
به‌غدا-اه‌ع
کۆمەڵەی دادوەرانی ژنان،ئه‌مڕۆ پێنجشەممە،چەند پرسیکی تاوتوێ کرد لەوانە هەموارکردنەوەی باری کەسێتی و یاسای توندوتیژی خێزانی ، هاوکات چوار ڕاسپاردەی پێشكه‌ش كرد.
سه‌نته‌رى راگه‌یاندنى ئەنجومەنی دادوەری لە راگه‌یه‌ندراوێكدا کە بە ده‌ستى ئاژانسی هەواڵی عێراقى (اه‌ع) كه‌وتووە، ڕایگەیاند:"کۆمەڵەی دادوەرانی ژنانی عێراق یەکەمین کۆبوونەوەی ئاسایی خۆی لە پەیمانگای گەشەپێدانی دادوەری بە سەرۆکایەتی سەرۆکی کۆمەڵە کە لە لایەن ئیلهام فەخری سەرۆکی کۆمەڵەکە بەڕێوە دەچێت و ژمارەیەک لە دادوەرانی باری کەسێتی لە هەموو دادگاکانی تێهەڵچوونەوەی ئەنجومەنی باڵای دادوەری ئامادە بوون"
له راگه‌یه‌ندراوه‌كه‌دا هاتووە:"لە کۆبونەوەکەدا چەند پرسیک باس کراوە، لەوانە هەموارکردنەوەی یاسای باری کەسێتی و کێشەکانی توندوتیژی خێزانی، پاشان پێشنیار و چارەسەریان بۆ چارەسەری كه‌موكورتیه‌كانى کار پێشکەش کرد".
ئاماژه‌ى به‌وه‌كرد"کۆبوونەوەکە چەندین ڕاسپاردەی بەرهەم هێناوە، لەوانە داوا کردن لە پەرلەمانی عێراق بۆ خێراکردنی یاسادانان و پەسەند کردنی یاسای دژ بە توندوتیژی خێزانی و تەرخانکردنی بڕگەیەکی بودجەی وەڵامدەر بە ڕەگەز، هەروەها بانگهێشتکردنی جەستە و ڕێکخراوە نێودەوڵەتییەکان بە هەماهەنگی لەگەڵ ئەنجومەنی باڵای دادوەری و کۆمەڵەی دادوەرانی ژنانی عێراق و دابینکردنی پشتیوانی بەمەبەستی بەشداریکردن لە گەشەپێدانی دادوەران، هەروەها ئاراستەکردنی توێژەرە کۆمەڵایەتیەکان بۆ ئەوەی هەموو توانای خۆیان لە کەیسەکانی جیابوونەوە ئەنجام بدەن بە مەبەستی کەمکردنەوەی ڕێژەی جیابوونەوە"
کۆمەڵەکە لەم دواییانەدا دامەزرا و چووە ناو کۆمەڵەی دادوەرانی ژنانی جیهانی و ئەم کۆبوونەوەیە یەکەم كۆبونه‌وه‌ى كۆمه‌ڵه‌ى ناوبراوه کە ساڵی ڕابردوو بە هۆی ڕێوشوێنە سەلامەتییەکانی په‌تاى کۆرۆنا و بە پێی حوکمەکانی ڕێکاری خۆی بە بەڕێوەچوونی کۆبوونەوەی ئاسایی هەموو ساڵێک لە ماوەی مانگی تەمموزدا ئەنجام بدرێت .
