بومه‌له‌رزه‌یه‌ك به گوڕى 3.9 له توركیا رویدا
جیهانی
- 19-06-2021, 17:47
به‌دواداچون-اه‌ع
پاش نیوه‌ڕۆی ئه‌مڕۆ شه‌ممه له شاری ئیستانبوڵی توركیا بومه‌له‌رزه‌یه‌ك ڕویدا و له‌لایه‌ن به‌شێكی زۆر له‌هاوڵاتیانه‌وه هه‌ستیپێكرا.
به‌شی به‌ڕێوه‌بردنی كاره‌سات و فریاكه‌وتنی توركیا "ئافاد" له ڕاگه‌یه‌ندراوێكدا كه ئاژانسى هه‌واڵى عێراقى(اه‌ع) چاودێرى كردووه رایگه‌یاند:" بومه‌له‌رزه‌یه‌ك كاتژمێر 15:07 خوله‌كی پاشنیوه‌ڕۆی ئه‌مڕۆ، به‌گوڕی 3.9 پله رێخته‌ر له‌ناوچه‌ی قارتاڵی ئیستانبوڵ رویداوه، له‌لایه‌ن به‌شێكی زۆر له‌هاوڵاتیانی ئیستانبوڵ به‌تایبه‌ت به‌شی ئاسیای ئه‌و شاره‌وه هه‌ستیپێكراوه".
ئه‌وه‌شی خستوه‌ته‌ڕو، بومه‌له‌رزه‌كه ترس و دڵه‌ڕاوكێی له‌لای به‌شێك له‌هاوڵاتیان دروستكردوه و به‌شێكیشیان ماڵه‌كانیان جێهێشتوه و چونه‌ته سه‌ر شه‌قامه‌كان و مه‌ترسیان هه‌یه كه دوباره بومه‌له‌رزه‌كه به‌گوڕی به‌هێزتر روبداته‌وه.
عه‌لی یه‌رلی كایا پارێزگاری ئیستانبوڵ له تویتێكدا رایگه‌یاند" تیمه‌كانی په‌یوه‌ندیدار هیچ ڕاپۆرتێكیان له‌باره‌ی زیانه‌كانی بومه‌له‌رزه‌كه‌وه پێنه‌گه‌یشتوه".
