ئه‌عره‌جى:سه‌ردانه‌كه‌ى كازمى بۆ ئیمارات باشترین نیشانه‌یه بۆ په‌یوه‌ندیه‌كانى نێوان هه‌ردوو وڵات
سیاسی
- 21-04-2021, 19:30
به‌غدا-اه‌ع
قاسم ئه‌عره‌جى راوێژكارى ئاسایشى نیشتمانى ،ئه‌مڕۆ چوارشه‌ممه، جه‌ختیكرده‌وه سه‌ردانه‌كه‌ى مسته‌فا كازمى سه‌رۆك وه‌زیران بۆ ئیمارات باشترین به‌ڵگه‌ییه بۆ په‌یوه‌ندى توندى نێوان عێراق و ئیمارات.
نوسینگه‌ى راگه‌یاندنى ئه‌عره‌جى له راگه‌یاندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:" راوێژكارى ئاسایشى نیشتمانى ئه‌مڕۆ له نوسینگه‌ى تایبه‌تى خۆى پێشوازى كرد له سالم زعابى باڵیۆزى ده‌وڵه‌تى ئیمارات "،له دیداره‌كه‌دا هه‌ردولا تاوتوێى په‌یوه‌ندى برایانه‌ى نێوان هه‌ردوو وڵات كرد و گفتوگۆ كرا له باره‌ى دوا پێشهاته‌كانى ڕه‌وشى سیاسى و ئه‌منى له ناوچه‌كه".
